Posted: 05/31/2012 07:55 PM IST

      ఇప్పుడు టాలీవుడ్‌లో గబ్బర్ సింగ్ హవా వీస్తోంది. పదేళ్ల గ్యాప్ తరువాత తన రేంజ్‌ హిట్ కొట్టిన పవర్‌స్టార్ పవన్‌ కళ్యాణ్... ఈ మూవీతో కలెక్షన్ల పరంగా సరికొత్త రికార్డులను సృష్టిస్తున్నాడు. రెండు వారాల్లోనే 50 కోట్ల మార్కును క్రాస్ చేసిన ఈ సూపర్ హిట్ మూవీ సక్సెస్‌ఫుల్‌గా దూసుకుపోతోంది. ఇదిలా ఉంటే  గబ్బర్‌సింగ్ సినిమాకు సీక్వెల్ తెరకెక్కించే ప్రయత్నాలు అప్పుడే మొదలుపెట్టాడు ఈ మూవీ నిర్మాత గణేష్‌బాబు. బాలీవుడ్ సూపర్ హిట్ దబాంగ్ రీమేక్‌గా తెరకెక్కిన ఈ గబ్బర్ సింగ్ ఓ వైపు ధియేటర్లలో సందడి చేస్తుండగానే... సల్మాన్ హీరోగా తెరకెక్కుతున్న దబాంగ్ 2 రీమేక్ రైట్స్ పై కన్నేశాడు నిర్మాత గణేష్‌ బాబు.     

      గబ్బర్ సింగ్ సీక్వెల్ పై నిర్మాత గణేష్‌ బాబు స్పందించాడు. దబాంగ్ 2 కోసం ఆ చిత్ర నిర్మాత గబ్బర్‌సింగ్‌లోని కొన్ని సీన్లను వాడుకోబోతున్నారని... అందుకు ప్రతిఫలంగా తమకు దబాంగ్‌ 2 రీమేక్ రైట్స్ ఇస్తామని హామీ ఇచ్చారని తెలిపాడు.  దబాంగ్‌ 2 విడుదలయ్యాక ఆ సినిమా రీమేక్ విషయాన్ని అఫీషియల్‌గా అనౌన్స్ చేసే అవకాశం కనిపిస్తోంది. గతంలో బాలీవుడ్‌ లో తెరకెక్కిన మున్నాభాయ్ ఎంబీబీఎస్‌... దానికి సీక్వెల్‌గా రూపొందించిన లగే రహో మున్నాభాయ్‌లను టాలీవుడ్‌లో మెగాస్టార్ చిరంజీవి రీమేక్ చేసిన సంగతి తెలిసిందే.

...avnk