Posted: 05/28/2012 03:37 PM IST

      తమ అభిమాన హీరో రూలర్ అవుతాడా లేదా అన్న మీమాంస సూపర్ స్టార్ మహేష్ బాబు అభిమానులనే కాదు, తెలుగు చిత్ర వర్గాలను కలవరపెడుతుంది.  ఇటీవల యన్టీఆర్ తో 'దమ్ము' సినిమాను రూపొందించిన దర్శకుడు బోయపాటి శ్రీను, త్వరలో 'రూలర్' అనే సినిమాను డైరెక్ట్ చేయనున్నట్టు గత కొంత కాలంగా వార్తలు వస్తున్న సంగతి మనకు తెలుసు. ఇందులో మహేష్ బాబు కథానాయకుడుగా నటిస్తారంటూ ప్రచారం జరుగుతోంది. ఈ నేపథ్యంలో ఈ సినిమా గురించి దర్శకుడు బోయపాటి తొలిసారిగా పెదవి విప్పారు. ఈ సినిమా టైటిల్ తనదేననీ, రిజిస్టర్ చేయించాననీ చెప్పారు. ఈ సినిమా గురించి మరో పదిరోజుల్లో ఓ స్పష్టత వస్తుందని ఆయన అన్నారు. అయితే, ఇందులో హీరో ఎవరనేది ఇంకా ఖరారు కాలేదనీ, ప్రస్తుతం సంప్రదింపుల దశలో ఉన్నామనీ బోయపాటి తెలిపారు. అతి త్వరలో ఈ 'రూలర్' చిత్రానికి సంబంధించిన పూర్తి వివరాలు తెలియజేస్తానని ఆయన చెప్పారు. ఇదిలా ఉంచితే, మహేష్ బాబు ఈ ప్రాజక్టుకి ఇంకా గ్రీన్ సిగ్నల్ ఇవ్వలేదని సమాచారం. దీంతో మహేష్ రూలర్ అవుతాడా లేదో అన్న సందేహం బలపడుతుంది.

...avnk