Posted: 05/28/2012 03:11 PM IST

       అన్నట్టూ ఈ సినిమాలో అమ్మాయిలందరూ మన అల్లరి నరేష్ వెంటే పడుతున్నారు. అన్నిరకాలుగానూ తిరుగులేని అదృష్టం కలిసొచ్చిన వీడిని 'సుడిగాడు' అనక మరేమంటారు. ఇంచుమించు ఈ సినిమాలోని కథానాయకుడి పరిస్థితి కూడా అంతే. అందమైన  అబ్బాయిలను సైతం అలా చూసేసి వెళ్లి పోయే అమ్మాయిలూ ... సుడిగాడితో  జట్టు కట్టాలని ఆశపడుతుంటారు - అతనితో కలిసి ఆడిపాడాలని ఆరాటపడుతుంటారు. అలాంటి అవకాశం రచనా మౌర్య తో రావటంతో  మన సుడిగాడు మరీ రెచ్చి పోయి ఓ పాటేసుకున్నాడు. ఈ తతంగమంతా 'సుడిగాడు' సినిమా కోసం లెండీ.. హైదరాబాద్ లోని ఓ పబ్ లో ఈ మూవీ సాంగ్ చిత్రీకరించారు. ''గజిబిజి గతుకుల రోడ్డులో ...'' అంటూ సరదాగా సాగే ఈ పాటని రామజోగయ్య శాస్త్రి  రాయగా, డాన్స్ మాస్టర్ భాను నేతృత్వంలో అల్లరి నరేష్ - రచనా మౌర్యపై చిత్రీకరించారు. 15 మంది డాన్సర్లు ... 50 మంది జూనియర్ ఆర్టిస్టులు పాల్గొనగా చిత్రీకరించిన ఈ పాటలో, మోనాల్ గజ్జర్ తో పాటు ప్రధాన పాత్రలన్నీ కనిపిస్తాయని దర్శకుడు భీమనేని శ్రీనివాస రావు చెప్పారు. జూన్ రెండో వారంలో ఆడియోని, నెలాఖరున సినిమాని విడుదల చేస్తామని వెల్లడించారు.

...avnk