Posted: 05/24/2012 12:22 PM IST

       క్రిష్ - పవన్ కళ్యాన్ కాంబినేషన్లో ఓ సినిమా రానుందనే వార్త ఫిల్మ్ నగర్ లో హల్ చల్ చేస్తోంది.  'గమ్యం'. 'వేదం' సినిమాలు రూపొందించిన క్రిష్  రూటే సపరేటు. అలాంటి క్రిష్ మొన్నీ మధ్య పవన్ కళ్యాణ్ ని కలిసారు. దీంతో వీరిద్దరి కాంబినేషన్లో సినిమా రాబోతుందని అంతా ఊహించారు. అయితే మనకందిన విశ్వసనీయ వర్గాల సమాచారం ప్రకారం రానా దగ్గుబాటి కథానాయకుడుగా 'వేదం' ఫేం క్రిష్ రూపొందిస్తున్న 'కృష్ణం వందే జగద్గురుం' చిత్రంలో లక్ష్మీనారాయణ పాత్ర ఉందనీ, ఆ పాత్రను పవన్ కల్యాణ్ చేత వేయించాలనీ దర్శకుడు భావిస్తున్నాడట. ఈ పాత్ర గురించి చర్చించడానికే దర్శకుడు క్రిష్, ఇటీవల పవన్ కల్యాణ్ ని కలిశాడనీ, పవన్ అందుకు సానుకూలంగా స్పందించాడనీ అంటున్నారు.
      కాగా, ‘కృష్ణం వందే జగద్గురుం' చిత్రం కథ మైనింగ్ మాఫియా చుట్టూ తిరుగుతుందని తెలుస్తోంది. ఇటీవలి కాలంలో చోటు చేసుకున్న మైనింగ్ అక్రమాలన్నీ ఇందులో ఉంటాయనీ, వీటిని వెలుగులోకి తెస్తున్న సీబీఐ లక్ష్మీనారాయణ పాత్ర ఈ సినిమాలో కీలకంగా ఉంటుందనీ అంటున్నారు. పవన్ కల్యాణ్ కున్న ఇమేజ్ ను బట్టి, ఈ పాత్ర ఆయన చేస్తే సినిమా ఎక్కడికో వెళ్లిపోతుందన్న ఉద్దేశంతో దర్శకుడు ఉన్నట్టు చెబుతున్నారు. మరి, పవన్ ఇందుకు గ్రీన్ సిగ్నల్ ఇస్తాడా? అన్నది త్వరలోనే తెలియనుంది.

...avnk