Posted: 05/22/2012 06:57 PM IST

      చిత్ర నిర్మాణానికి ఖర్చు తడిసి మోపెడవుతోంది. అయినా ఏమాత్రం లెక్కచేయటంలేదు నిర్మాతలు. అయితే ప్రస్తుత ఖర్చు హీరో ఖాతాలోకి పోయింది.  తాజాగా అజయ్ దేవగన్ నటిస్తోన్న సినిమా ఖర్చు ఈ బాపతు మాదిరే అవుతుందని తెలుస్తోంది.  'సింగం' సినిమా విజయంతో బాలీవుడ్ హీరో అజయ్ దేవగన్ మాంఛి ఊపుమీద వున్న అజయ్ ఈ సినిమా సక్సెస్ తో వచ్చిన క్రేజ్ ని నిలబెట్టుకోవాలనే ఉద్దేశంతో, ఆయనే స్వయంగా ఓ సినిమాని నిర్మించేందుకు రంగంలోకి దిగాడు. ప్రస్తుతం ఈ సినిమా షూటింగులో ఆయన పాల్గొంటూనే, నిర్మాణ పరమైన పనులని కూడా దగ్గరుండి చూసుకుంటున్నాడని అంటున్నారు.
      యాక్షన్ సీన్స్ కి పెద్దపీట వేసే అజయ్ తన అభిమానుల అంచనాలకి ఏ మాత్రం తగ్గకుండా ఈ సినిమాలోని యాక్షన్ సీన్స్ ని స్వయంగా డిజైన్  చేశాడని చెబుతున్నారు.  ఈ సినిమాలోని ఓ యాక్షన్ సీన్ కోసం ఏకంగా 6 కోట్లు ఖర్చు చేస్తున్నట్టు తెలుస్తోంది. ఈ ఫైట్ సినిమాకి హైలైట్ గా నిలుస్తుందని సినిమా యూనిట్ సభ్యులు చెబుతున్నారు.
      అజయ్ దేవగణ్ కూడా ఈ విషయాన్ని ధృవీకరిస్తూ ... ఈ పోరాట సన్నివేశం అద్భుతంగా రావాలనే ఉద్దేశంతో భారీగా ఖర్చు చేయవలసి వచ్చిందనీ, అంతేగాని పబ్లిసిటీ లో ఓ భాగంగా ఈ విషయాన్ని వాడుకునే అవసరం తనకి లేదని సెలవిచ్చాడు. బాక్సాఫీస్ వద్ద వసూళ్లు ఎలా ఉంటాయో చూడాలి.

...avnk