Posted: 05/20/2012 04:07 PM IST

       'మేజర్ చంద్రకాంత్' ... 'పుణ్యభూమి నాదేశం' ... 'అడవిలోఅన్న' వంటి చిత్రాల్లో బాలనటుడిగా కనిపించిన మనోజ్, 'దొంగ దొంగది' చిత్రం ద్వారా హీరో గా పరిచయమయ్యాడు. ఆ తరువాత  'రాజు భాయ్' ... 'నీను మీకు తెలుసా' ... 'బిందాస్' ... 'వేదం' ... ఝుమ్మంది నాదం' ... 'మిస్టర్ నూకయ్య' వంటి చిత్రాల్లో విభిన్నమైన పాత్రలని పోషించాడు. అయితే ఈ సినిమాల్లో 'బిందాస్' ... 'వేదం' మాత్రమే అతని కెరియర్లో చెప్పుకోదగిన చిత్రాలుగా నిలిచాయి. అయితే ఏ సినిమాలోనూ నటుడిగా అతను ఫెయిల్ కాలేదు. నటనలోగానీ ... డాన్స్ లోగానీ ... ఫైట్స్ లో గాని అతను వీక్ అనే టాక్ ఎప్పుడూ రాకపోవడం గమనించదగిన విషయం. నటుడిగా ఈ ఎనిమిదేళ్ల ప్రయాణంలో ఆశించిన విజయాలు అంతంత మాత్రంగానే దక్కినా మనోజ్ కుంగి పోలేదు ... కుమిలిపోలేదు. పరాజయాలను పాఠాలుగా చేసుకుంటూ రెట్టించిన ఉత్సాహంతో ముందుకి దూకుతునే వున్నాడు. తనని తాను విభిన్న కోణాల్లో ఆవిష్కరించుకునేందుకు ప్రయత్నాలు చేస్తూనే వున్నాడు. ఈ నేపథ్యంలోనే అతను 'ఊకొడతారా ఉలిక్కి పడతారా' చిత్రంలో నటిస్తున్నాడు. ఈ రోజు మనోజ్ పుట్టిన రోజు. అటు తెరపైనా ... ఇటు బయటా ఎప్పుడూ చురుకుగా - చలాకీగా వుండే మనోజ్ మరెన్నో బర్త్ డేలు జరుపుకోవాలనీ ... సక్సెస్ ఫుల్ హీరోగా నిలదొక్కుకోవాలని ఆశిస్తోంది ఆంధ్రావిశేష్.కాం

...avnk