Posted: 05/02/2012 05:03 PM IST

       ప్రముఖ నిర్మాత ఎమ్మెస్ రాజు 'తూనీగా తూనీగా' చిత్రం ద్వారా తన కొడుకు సుమంత్ అశ్విన్ ని హీరోగా పరిచయం చేస్తున్నారు. ఎమ్మెస్ రాజు దర్శకత్వంలో మాగంటి రామ్ చంద్రన్ నిర్మిస్తోన్న ఈ సినిమాలో అశ్విన్ జోడీగా రియా నటిస్తోంది. ఈ ప్రేమ కథా చిత్రానికి సంబంధించిన షూటింగ్ ఇటీవల హైదరాబాద్ లోని సంఘీ టెంపుల్ లో వారం రోజులపాటు జరిగింది. ప్రధాన పాత్రలకి సంబంధించిన కొన్ని కీలకమైన సన్నివేశాలని ఇక్కడ చిత్రీకరించారు. దీంతో షూటింగ్ పార్ట్ పూర్తయిందనీ  ... పోస్ట్ ప్రొడక్షన్ పనులు కూడా నడుస్తున్నాయి.
      ఈ ప్రేమ కథా కావ్యంలో వినోదం, భావోద్వేగాలు సమపాళ్లలో ఉంటాయని హీరో హీరోయిన్ల మధ్య కెమిస్ట్రీ చక్కగా వర్కౌట్ అయిందని రాజు చెప్పారు. ఈ నెలలో ఆడియోనీ, జూన్లో సినిమాని విడుదల చేసేందుకు సన్నాహాలు చేస్తున్నారు.
       నిర్మాతగా 'ఒక్కడు' ... 'వర్షం' ... 'నువ్వొస్తానంటే నేనొద్దంటానా' వంటి చిత్రాలతో బాక్సాఫీస్ దగ్గర భారీ విజయాలను నమోదు చేసిన ఎమ్మెస్ రాజు, ఇక దర్శకుడిగా ఈ సినిమా ద్వారా సత్తాచాటబోతారేమో చూడాలి.

...avnk