Posted: 04/26/2012 12:26 PM IST

               ఎంతోకాలంగా మెగా అభిమానులంతా ఎదురుచూస్తోన్న కళ్లాణ వైభోగం త్వరలోనే సాక్షాత్కరించబోతోంది.  రాజ్యసభ సభ్యులు.. మెగాస్టార్ చిరంజీవి తనయుడు రాంచరణ్‌తేజ్, అపోలో ఆసుపత్రుల గ్రూప్ చైర్మన్ ప్రతాప్ సి.రెడ్డి మనుమరాలు ఉపాసనల వివాహం జూన్ 14 న హైదరాబాద్‌లో జరగనుంది. (వివిధ మీడియాలో చాలా చోట్ల ఈ తేదీని 12వ తేదీ అని తప్పుగా వెల్లడిస్తున్నారు.) వివాహ మహూర్తం ఉదయం 9 గంటల 45 నిమిషాలకు. ఈ మేరకు వధూవరుల కుటుంబాలు ముహుర్తాన్ని ఖాయం చేశాయి. రాత్రే పెండ్లి కుమార్తె ఇంట్లో ఇరు కుటుంభాల పెద్దలు పండితుల సమక్షంలో  లగ్నపత్రిక వ్రాసుకున్నారు.
                  తాజాగా కళ్యాణ వేదిక విషయం లోకూడా స్పష్టత వచ్చింది. హైటెక్స్‌లో లేదా శిల్పారామం ఎదురుగా ఉన్న ఎన్-కన్వెన్షన్ సెంటర్‌లో వీరి వివాహం జరిగే అవకాశాలున్నాయని తొలుత భావించినప్పటికీ కొద్దిసేపటిక్రితమే వేదిక ఖరారైంది. రామ్ చరణ్ – ఉపాసన వివాహం హైదరాబాద్ గండిపేట ఫాం హౌస్ లో జరుగనుందని విశ్వసనీయ వర్గాల ద్వారా ఆంధ్రావిశేష్.కాం కు సమాచారం అందింది.
                  మే నెల మొదటివారంలో ఈ పెళ్లికి సంబంధించిన శుభలేఖల ముద్రణ పూర్తవుతుందని వెల్లడి. ఈ వివాహాన్ని నిజామాబాద్ జిల్లాలోని దోమకొండ కోటలో చేయాలని ప్రతాప్‌రెడ్డి కుటుంబం భావించినా.. సౌకర్యాలలేమి, అభిమానుల తాకిడి దృష్ట్యా ఆ నిర్ణయాన్ని మార్చుకున్నట్లు సమాచారం. అయితే, పెళ్లికి సంబంధించిన ఏదో ఒక కార్యక్రమాన్ని అక్కడ నిర్వహించాలని నిర్ణయించారు. మొత్తానికి చిరు అభిమానులంతా తమ ఇంట్లో పెళ్లిలా భావిస్తోన్న భారీ వివాహ వైభోగం అతిత్వరలోనే కనుల పండుగ చేయబోతోందన్నమాట.

...avnk