Posted: 04/24/2012 09:01 PM IST

               తనకు ఏ సినిమా బడితే ఆ సినిమా నటించటం ఇష్టం ఉండదంటోంది అందాల భామ కాజల్. మంచి పాత్రలు అనిపించకపోతే ఎంతటి అవకాశాన్నైనా కాలదన్నుతానంటోంది. అది బాలీవుడ్డా, టాలీవుడ్డా, కోలీవుడ్డా అనేది నాకనవసరం. పాత్ర నచ్చితే బోజ్‌పురిలో కూడా చేసేస్తాను. నచ్చకపోతే... బాలీవుడ్‌లో అయినా చేయను అని ఖరాకండిగా తెగేసి చెప్పేస్తోంది. ఇందంతా ఎందుకొచ్చిందంటే.. అజయ్ దేవగాన్ కొత్తమూవీ ‘సన్ ఆఫ్ ఆర్థర్’ లో ఎందుకు నటించటంలేదని అని అడిగితే పైలా సెలవిచ్చింది ఈ అమ్మడు. కాగా, అజయ్‌దేవగన్ ‘సింగం’తో బాలీవుడ్‌లో మంచి మార్కులే కొట్టేసిందీ ముద్దుగుమ్మ. ఈ నేపథ్యంలో అజయ్‌దేవగన్ నటిస్తున్న తదుపరి చిత్రంలోనూ కాజల్‌నే కథానాయికగా అనుకున్నారు. కానీ కాజల్ మాత్రం ఆ పాత్రను సున్నితంగా తిరస్కరించారట. అంతేకాదు ‘‘వచ్చిన అవకాశాలన్నీ సద్వినియోగం చేసుకోవాలనుకుంటే... బాలీవుడ్‌లో ఇప్పటికి చాలా సినిమాలు చేసుండేదాన్ని. కానీ నా నైజం అది కాదు. ‘సింగం’తో నాకు బాలీవుడ్‌లో మంచి గుర్తింపు వచ్చింది. దాన్ని కాపాడుకోవాలంటే.. నెక్ట్స్ సినిమా ఓ రేంజ్‌లో ఉండాలి. అందుకే కొన్నింటిని తిరస్కరించాల్సి వచ్చింది  అని సెలవిచ్చింది ఈ అందాల భామ కాజల్.

...avnk