Posted: 04/22/2012 05:53 PM IST

                సంగీత దర్శకుడు మణిశర్మకు సై అన్నాడు పవర్ స్టార్ పవన్ కల్యాణ్.  'గబ్బర్ సింగ్' సినిమాకి దేవిశ్రీ ప్రసాద్ సంగీతాన్ని సమకూర్చాడు. ఈ సినిమా ఆడియోకి ఆడియన్స్ నుంచి మంచి రెస్పాన్స్ వచ్చింది. ఈ నేపథ్యంలో పవన్ కల్యాణ్ తదుపరి చిత్రం 'కెమెరామెన్ గంగతో రాంబాబు' సినిమాకి కూడా దేవిశ్రీ ప్రసాద్ బాణీలను అందిస్తాడనే ప్రచారం జరిగింది. ఈ సినిమా మ్యూజిక్ కి సంబంధించి చివరి నిమిషం వరకూ దేవిశ్రీ పేరు వినిపించినప్పటికీ, ఇప్పుడా అవకాశం మణిశర్మకి దక్కింది.  ఇటీవల 'రచ్చ' ఆడియోకి వచ్చిన రెస్పాన్స్ చూసి పవన్ ఈ నిర్ణయం తీసుకుని ఉంటాడని అంటున్నారు. ఈ మధ్య దేవిశ్రీ - తమన్ ధాటికి మణిశర్మకి అవకాశాలు తగ్గడంతో, అంతా ఆయన పనైపోయిందని అనుకున్నారు. ఇటువంటి పరిస్థితుల్లోనే ఆయనకి చరణ్ అవకాశం ఇవ్వడం, తనదైన స్టైల్లో మణిశర్మ రెచ్చిపోవడం జరిగిపోయాయి. ఈ కారణంగానే ఆయనకి ఇప్పుడు పవన్ సినిమా వచ్చిందని చెబుతున్నారు. ఈ సినిమాతో మణిశర్మ మరెంత 'రచ్చ రచ్చ చేస్తాడేమో చూడాలి. సాధారణంగానే పవన్ సినిమాలకు పాటలు చాలా కొత్తగా ఉంటాయి. మణి మరింత కొత్తగా చేస్తాడేమో మరి.

...avnk