Posted: 04/22/2012 05:31 PM IST

              తన విభిన్న మైన నటన తో తెలుగు తెరపై సుస్థిర స్థానాన్ని సంపాదించిన హీరో శ్రీకాంత్.  నాని కృష్ణ దర్శకత్వంలో 'దేవరాయ' పేరుతో శ్రీకాంత్ హీరోగా ఓ చిత్రం తెరకెక్కుతోన్న విషయం మనకు తెలుసు. ఈ సినిమాలో శ్రీకాంత్ దొరబాబు - దేవరాయ అనే రెండు విభిన్నమైన పాత్రలను పోషిస్తున్నారు. ఈ పాత్రలకి జోడీగా విదిశ - మీనాక్షీ దీక్షిత్ నటిస్తున్నారు. ఈ సినిమా షూటింగ్ చివరి దశకి చేరుకున్న సందర్భంగా  నాని కృష్ణ మాట్లాడుతూ, జల్సాలకీ ... షికార్లకీ అలవాటుపడిన ఓ యువకుడి కథ ఇదని చెప్పారు. విందులు ...  వినోదాలతో కాలం గడుపుతోన్న దొరబాబుకి, తాను శ్రీకృష్ణ దేవరాయల వంశానికి చెందిన వాడినని తెలుస్తుంది. అప్పుడు అతను ఏం చేశాడు ...? దాని పర్యవసానం ఎలాంటిది ? అనే కథాంశంతో ఈ సినిమాని తెరకెక్కిస్తున్నట్టు చెప్పారు. ఆద్యంతం వినోదభరితంగా రూపొందిన ఈ సినిమా తప్పక విజయాన్ని సాధిస్తుందన్న నమ్మకాన్ని వ్యక్తం చేశారు. షూటింగ్ అనంతరం పోస్ట్ ప్రొడక్షన్ పనులు పూర్తి చేసి త్వరలో సినిమాను విడుదల చేయాలని దర్శక, నిర్మాతలు భావిస్తున్నారు.

...avnk