Posted: 04/18/2012 06:11 PM IST

               మన ప్రిన్స్ మహేష్ బాబు ఉత్తరప్రదేశ్ లోని అహ్మదాబాద్ లో యమ బిజీగా గుడుపుతున్నారు. పనేమిటో అంటారా..  'సీతమ్మ వాకిట్లో సిరిమల్లె చెట్టు' చిత్రం షూటింగ్ ప్రస్తుతం అహ్మదాబాద్ లో జరుగుతోంది. గత రెండు రోజులుగా ఇక్కడ మహేష్ బాబు కి సంబంధించిన ఓ పాటని చిత్రీకరిస్తున్నారు. ఆ తరువాత ఈ సినిమా షూటింగ్ లో వెంకటేష్ జాయిన్ అవుతాడని తెలుస్తోంది.
              దాదాపు వారం తరువాత వెంకటేష్ కి సంబంధించిన కొన్ని ముఖ్యమైన సన్నివేశాలను - పాటలను చిత్రీకరించడానికి ప్లాన్ చేసినట్టు చెబుతున్నారు. వెంకటేష్ - మహేష్ బాబు అన్నదమ్ములుగా నటిస్తోన్న ఈ సినిమాకి దిల్ రాజు నిర్మాతగా వ్యవహరిస్తున్నారు. చాలాకాలం తరువాత బంధాలు, అనుబంధాల నేపథ్యంలో వస్తోన్న ఈ కుటుంబ కథా చిత్రానికి శ్రీకాంత్ అడ్డాల దర్శకత్వం వహిస్తున్నారు.
             వెంకటేష్ సరసన అంజలి - మహేష్ బాబు జోడీగా సమంతా కనువిందు చేయనున్న ఈ సినిమా కోసం మహేష్ అభిమానులతో పాటు విక్టరీ వెంకీ అభిమానులంతా ఆత్రుతగా ఎదురుచూస్తున్నారు. శ్రీకాంత్  చాలా ఆహ్లాదబరితంగా ఈ చిత్రాన్ని తెరకెక్కిస్తున్నట్టు తెలుస్తోంది.

....avnk