Posted: 04/18/2012 12:46 PM IST

              డాష్..డాష్ అంటూ ప్రేక్షకులముందుకు వదిలిన ఖాళీలు పూరించేందుకు ఎవరూ ముందుకు రాకపోవటంతో ఇక తప్పదనుకున్నాడు దర్శకుడు తేజ. ఫిల్ ఇన్ ద బ్లాక్స్ పని అతనే ఫిల్ చేసేందుకు మళ్లీ తయారవుతున్నాడు. ఆయన దర్శకత్వంలో తాజాగా వచ్చిన 'నీకు నాకు డాష్ డాష్' సినిమా మొదటి రోజే ఫ్లాప్ టాక్ తెచ్చుకున్న సంగతి తెలిసిందే.                 ఈ నేపథ్యంలో ఈ మూవీని మళ్లీ సరికొత్తగా రూపొందించి ప్రేక్షకుల ముందుకు వదలాలని తేజ నిర్ణయించుకున్నాడు. బదులుగా సినిమా ప్రదర్శనను నిలిపివేయించాడు. క్లైమాక్స్ మరో పద్ధతిలో రీషూట్ చేసి, మరి కొన్ని కామెడీ సీన్లు కలిపి అతికిస్తాడట. అంతేకాదు... టైటిల్ కూడా మార్చేసి, కొత్త టైటిల్ తో ఈ సినిమాని మే 4 న ఫ్రెష్ గా రిలీజ్ చేయడానికి ప్లాన్ చేస్తున్నారని తెలుస్తోంది. ఇదిలా ఉంటే, ఉన్న ఖాళీలన్నీ తేజ నే పూరించేస్తే ఇంకేముంటుంది మనం చేసేందుకంటున్నారు చిత్ర విమర్శకులు.

....avnk