Posted: 04/16/2012 12:46 PM IST

               ‘గబ్బర్ సింగ్’ ఆడియో వేడుక సందర్భంలో చిరంజీవి మీడియాకు చురకలంటించారు. ముంబయ్ లో వున్న చరణ్ ఫోన్ చేసి, బాబాయ్ కి బెస్ట్ విషెస్ చెప్పమన్నాడు... మీడియా వాళ్లకు చెబుతున్నాను... రేపు దీనిని కాంట్రావర్షీ చేయకండి. రచ్చ ఆడియో వేడుకలో కల్యాణ్ అమెరికాలో ఉన్నాడని చెబితే మీడియా దానిని వక్రీకరించింది. లేని మాట చెప్పడం మా మెగా ఫ్యామిలో లేదు.
               నిజంగానే రచ్చ ఆడియోకి కల్యాణ్ అమెరికాలో వున్నాడు. కానీ, మీడియా ఇక్కడే ఉన్నాడని రాశారు. కావాలంటే ఇమిగ్రేషన్ చెకప్, టికెట్ చూడండి. రచ్చ ఆడియో విడుదలైన తర్వాతి డేటే వాటి మీద వుంటుంది. "ఇంట్లో ఒక్కోసారి పొరబాటున చరణ్ ని కల్యాణ్ అని పిలుస్తుంటాను. కల్యాణ్ ని చరణ్ అని పిలుస్తుంటాను. కానీ వాళ్ళేమీ అనుకోరు. నవ్వుకుంటూ పలుకుతారు.  ఇలాంటి లేనిపోనివి రాసి క్యారెక్టర్ అసేసినేషణ్ చేయకండి... ఆ స్థాయికి మెగా ఫ్యామిలీ ఎప్పుడూ దిగజారదు" అంటూ చిరంజీవి ఆవేశంగా ప్రసంగించారు.
             కాగా, పవన్ కల్యాణ్ కు చిరంజీవితో విభేదాలున్నాయంటూ ఇటీవల పుంఖానుపుంఖాలుగా మీడియాలో వార్తలు రావడం, దీనిమీద చానల్స్ లో ప్రత్యేక స్టోరీలు చేయటంతో చిరు తీవ్ర మనస్థాపానికి గురైనట్టు అతని రియాక్షన్ చూస్తే అనిపిస్తుంది.

....avnk