Posted: 04/12/2012 05:03 PM IST

                చిన్న సినిమాగా విడుదలై సంచలన చిత్రంగా మారి యువతను ఆకట్టుకుంటున్న చిత్రం ‘ఈరోజుల్లో...’. ఈ సినిమాతో తెలుగు తెరకి పరిచయమైన కథానాయకుడు శ్రీ యూత్ నుంచి ఫస్ట్ క్లాస్ మార్కులు కొట్టేశాడు.  ఈ సినిమా వసూళ్లు ఇంచుమించు 10 కోట్లకి చేరుకోవడంతో, హీరోగా శ్రీ కి కూడా డిమాండ్ పెరిగిపోయింది. దీంతో శ్రీనివాస్‌కు మరో చిత్రంలో అవకాశం వచ్చింది. 
          గతంలో కృష్ణుడు ప్రధాన పాత్రదారునిగా 'పప్పు' చిత్రాన్ని తెరకెక్కించిన సపన్ కుమార్, ఈ సినిమాకి దర్శకుడిగా వ్యవహరిస్తున్నట్లు తెలుస్తోంది. ఓ ప్రముఖ సంస్థ ఈ చిత్రాన్ని నిర్మించబోతోంది. ఈ సినిమా రెగ్యులర్ షూటింగ్ జూలై నుంచి మొదలౌతుందనీ, నవంబర్లో విడుదల చేసే ఆలోచనలో ఉన్నామని సపన్  చెప్పారు. హీరో శ్రీ కి జోడీగా కథానాయిక ఎవరనేది ఇంకా అనుకొలేదనీ, త్వరలోనే మిగతా విషయాలను వెల్లడి చేస్తామని తెలిపారు.

...avnk