Posted: 04/11/2012 01:21 PM IST

               'అధినాయకుడు' మడమతిప్పాడు. ప్రేక్షకుల ముందుకు వచ్చేందుకు మళ్లీ వెనుకంజ వేస్తున్నాడు. దీంతో బాలయ్యబాబును సరికొత్త రూపాల్లో చూడవచ్చను కున్న అభిమానుల ఆశలకు అంతరాయం ఏర్పడుతుంది. దీంతో ఫ్యాన్స్ ఒకింత అసహనానికి గురవుతున్నారు.  ఇంతకుముందు ఈ  సినిమాని ఈ నెల 13 న విడుదల చేయనున్నట్టు దర్శక నిర్మాతలు ప్రకటించారు. అయితే ఇప్పుడీ సినిమా రిలీజ్ మరోసారి పోస్ట్ పోన్ అయింది. ఈ విషయం పట్ల దర్శక నిర్మాతలు స్పందిస్తూ, ఈ సినిమా విడుదల వాయిదాపడిన విషయం నిజమేననీ ... తిరిగి ఎప్పుడు రిలీజ్ చేసేది త్వరలో ప్రకటిస్తామని చెబుతున్నారు.
             నిన్ననే సెన్సార్ కార్యక్రమాలు పూర్తి చేసుకుని ఎ సర్టిఫికేట్ దక్కించుకున్నప్పటికినీ ఆర్థిక ఇబ్బందుల కారణం గా ఈ మూవీ రిలీజ్ లో ఇబ్బందులు ఎదురవుతున్నాయి. ఈ చిత్ర నిర్మాత ఎమ్ఎల్ కుమార్ చౌదరి ఆర్ధిక సమస్యల్లో ఇరుక్కోవడంతో ఈ సినిమా ఎన్నో రోజులుగా వాయిదా పడుతూ వస్తున్న సంగతి తెలిసిందే.  
           సలోని,  లక్ష్మి రాయ్ హీరోయిన్స్ గా నటిస్తున్న ఈ సినిమాలో బాలయ్య మూడు విభిన్న పాత్రల్లో కనిపించబోతున్నారు.  బాలకృష్ణ పోషించిన మూడు విభిన్నమైన పాత్రల కోసం ... లక్ష్మీరాయ్ - సలోని అందచందాల కోసం ఆత్రుతగా ఎదురు చూస్తోన్న ప్రేక్షకులని ఈ సినిమా ఎప్పుడు కరుణిస్తుందో మరి.  కళ్యాణి మాలిక్ సంగీతం అందించిన ఈ చిత్రానికి పరుచూరి మురళి దర్శకుడు.

...avnk