Posted: 04/09/2012 08:04 PM IST

              చిత్రసీమలో ‘ఎందుకంటే ప్రేమంట’ మానియా మొదలైంది.  తమన్నా - రామ్ జంటగా నటించిన ఈ చిత్రానికి సంబంధించిన లోగో ఆవిష్కరణ కొంచెం సేపటిక్రితం హైదరాబాద్ లోని రామానాయుడు స్టూడియోలో జరిగింది. ఈ వేడుకకి ముఖ్య అతిధిగా విచ్చేసిన రాజమౌళి చేతులమీదుగా ఈ సినిమా లోగో ఆవిష్కరణ కార్యక్రమం జరిగింది.
              స్రవంతీ రవికిషోర్ మంచి అభిరుచిగల నిర్మాత అనీ ... అలానే ప్రేమ కథా చిత్రాలను హృద్యంగా తెరకెక్కించడంలో కరుణాకరన్ కి ఓ ప్రత్యేకత వుందని ఈ సందర్భంగా రాజమౌళి అన్నారు. తమన్నా- రామ్ ఇద్దరూ కూడా సక్సెస్ బాటలోనే ఉన్నారనీ, ఈ లోగో పై వాళ్ల జంట చూడ ముచ్చటగా వుందని రాజమౌళి అభిప్రాయపడ్డారు.
           ఈ వేడుకలో హీరోహీరోయిన్లతో పాటు కరుణాకరన్, స్రవంతి రవికిషోర్, కోన వెంకట్ తదితరులు పాల్గొన్నారు. ఈ సినిమాకి జీవీ ప్రకాష్ సంగీతాన్ని సమకూర్చారు. ఆడియో ఈ నెల 21 న,  సినిమా మే 11 న విడుదల చేసేందుకు సన్నాహాలు చేస్తున్నారు. ఈ సినిమా మీద కరుణాకరన్ చాలా నమ్మకంగా ఉన్నారని సినిమా సూపర్ హిట్ అవుతుందని చిత్రవర్గాలు అంటున్నాయి.

...avnk