Posted: 04/02/2012 04:09 PM IST

             తెలుగు సినిమా తొలినాళ్లలో ‘విజయా’ అనే బ్యానర్ స్థాపించి ఎన్నో గౌరవప్రదమైన సినిమాలు రూపొందించిన మహావ్యక్తి స్వర్గీయ నాగిరెడ్డి. ఈ మహనీయుని పేరిట ఏర్పాటు చేసిన నాగిరెడ్డి అవార్డును  యంగ్ రెబల్ స్టార్ ప్రభాస్ చిత్రం ‘మిస్టర్ పర్ఫెక్ట్’ దక్కించుకుంది. ఫ్యామిలీ ఆడియెన్స్ మెప్పు పొందటంతో పాటు యువతను ఈ మూవీ విశేషంగా ఆకర్షించిన సంగతి తెలిసిందే.
            ఈ అవార్డును ఈ నెల 22న ‘మిస్టర్ పర్ఫెక్ట్’ చిత్ర నిర్మాత దిల్ రాజుకి ప్రదానం చేస్తారు. ఈ అవార్డుతో పాటుగా ఒక మెమెంటో లక్షన్నర నగదు కూడా ఇస్తారు.
           కాగా, ఈ అవార్డు ప్రదాన కార్యక్రమానికి డాక్టర్ రామానాయుడు, డాక్టర్ అక్కినేని నాగేశ్వర రావు, డాక్టర్ సి. నారాయణ రెడ్డి. నందమూరి బాలకృష్ణ  తదితరులు హాజరవుతారు.

...avnk