Posted: 03/19/2012 07:20 PM IST

ప్రేక్షకులను మెప్పించిన ‘కందిరీగ’ సినిమా సీక్వెల్ తీసేందుకు పచ్చజెండా ఊపాడు యంగ్ హీరో రామ్. కందిరీగ సినిమాకు సంతోష్ శ్రీనివాస్ దర్శకత్వం వహించిన సంగతి తెలిసిందే. ఆ సినిమా హిట్టయినా కూడా ఆ దర్శకుడికి పెద్దగా ఆఫర్లు రాలేదు.

దీంతో, ఆ దర్శకుడు 'కందిరీగ' సినిమాకి సీక్వెల్ స్క్రిప్ట్ తయారుచేసుకుని, మళ్లీ నిర్మాత బెల్లంకొండ సురేష్ ని మెప్పించాడని తెలుస్తోంది. అలాగే, హీరో రామ్ కూడా ఆ స్క్రిప్ట్ చూసి ఓకే చెప్పాడని ఫిల్మ్ నగర్ వర్గాల సమాచారం.

ప్రస్తుతం రామ్ 'బొమ్మరిల్లు' భాస్కర్ దర్శకత్వంలో ఓ చిత్రంలో నటిస్తున్నాడు. దీనితో పాటే 'కందిరీగ-2' కూడా షూటింగు జరుపుకుంటుందని అంటున్నారు. పూర్తి వివరాలు త్వరలో వెల్లడయ్యే అవకాశం ఉంది.

...avnk