Posted: 03/06/2012 06:43 PM IST

రవితేజ హీరోగా తాప్సీ హీరోయిన్‌గా వస్తోన్న చిత్రం ‘దరువు’. శ్రీవెంకటేశ్వర ఎంటర్‌టైన్‌మెంట్స్‌ పతాకంపై శివ దర్శకత్వంలో ప్రముఖ నిర్మాత బూరుగపల్లి శివరామకృష్ణ నిర్మిస్తున్నారు. (సౌండ్‌ ఆఫ్‌ మాస్‌) ట్యాగ్ లైన్ తో వస్తోన్న ఈ చిత్రం క్లైమాక్స్‌ షూటింగ్‌ హైదరాబాద్‌ శివారు ప్రాంతాల్లో జరుగుతోంది.

బ్యాంకాక్‌ షెడ్యూల్‌ తర్వాత ఫిల్మ్‌ సిటీలో ఈ మధ్యే మరో షెడ్యూల్‌ చేసారు. ప్రస్తుతం హైదరాబాద్‌ శివారు ప్రాంతాల్లో జరుగుతోన్న షూటింగ్ లో ప్రధాన తారాగణం పాల్గొంటున్నారు. క్లైమాక్స్‌ సన్నివేశాలను భారీ స్ధాయిలో చిత్రీకరిస్తున్నారు.

మార్చి 16 వరకు జరిగే ఈ షెడ్యూల్‌తో షూటింగ్‌ పూర్తవుతుంది. ఏప్రిల్‌లో పోస్ట్ ప్రొడక్షన్‌ ఫినిష్‌ చేసి మే 4న వరల్డ్‌ వైడ్‌గా రిలీజ్‌ చెయ్యాలని ప్లాన్‌ చేస్తున్నారు. ఈ చిత్రానికి కథ-స్క్రీన్‌ప్లే: శివ, ఆదినారాయణ, మాటలు: రమేష్‌గోపి, అనిల్‌ రావిపూడి, సంగీతం: విజరు ఆంథోని, ఎగ్జిక్యూటివ్‌ ప్రొడ్యూసర్‌: చిట్టూరి శ్రీనివాసరావు, సమర్పణ: శ్రీమతి నాగమునీశ్వరి, నిర్మాత: బూరుగపల్లి శివరామకృష్ణ, కథ,స్క్రీన్‌ప్లే,దర్శకత్వం: శివ.

...avnk