Tamanna To Act With Mahesh

Posted: 03/03/2012 03:46 PM IST

Thamanna_Mashesh

మహేష్ బాబు, సుకుమార్ కాంబినేషన్లో ఓ సినిమా రూపొందుతున్న సంగతి మనకు తెలిసిందే. ఆమధ్య 'దూకుడు' చిత్రాన్ని నిర్మించిన 14 రీల్స్ ఎంటర్ టైన్మెంట్ సంస్థ నిర్మించే ఈ చిత్రంలో మహేష్ సరసన తమన్నా అని అనుకున్న విషయం తెలిసిందే. ఈ మధ్యనే లాంచనంగా ప్రారంభోత్సవం చేసుకున్న ఈ చిత్రం రెగ్యులర్ షూటింగ్ జరుపుకుంటోంది. అయితే ఈ చిత్రానికి తమన్నా డేట్లు అడ్జెస్ట్ కాకపోయేసరికి ఈ సినిమాలో బెంగుళూరు మోడల్ , యువరాజ్ సింగ్ లవర్ గా పేరొందిన అక్షర గౌడను తీసుకుంటున్నారనే వార్తలు కూడా వచ్చాయి.

అయితే ఈ విషయం తెలుసుకున్న తమన్నా తండ్రి ఈ పుకార్లను ఖండించారు. తమ కూతురుకి డేట్స్ అడ్జెస్ట్ కాకపోయిన మాట నిజమేకానీ, పాప ఆ సినిమా ఆఫర్‌ను ఇంకా పరిశీలిస్తోంది అంటున్నారు. మహేష్ బాబుతో సినిమా చేయాలని నిర్ణయించుకుంది, త్వరలోనే ఈ విషయం ఖరారు అవుతుందని అంటున్నారు. అయితే సినీ జనాలు మాత్రం తమన్నా మహేష్ ని వదులుకోలేకపోతుందని, అందుకే తన తండ్రితో తాను మహేష్ తో లైన్లోనే ఉన్నానని చెప్పించిందని అనుకుంటున్నారు.