Posted: 02/23/2012 04:48 PM IST

          ప్రపంచ ప్రఖ్యాత మాయాజాల మాంత్రికుడు సీనియర్ పీసీ సర్కార్ శత జయంతి వేడుకలు దేశవ్యాప్తంగా జరుగుతున్నాయి. ఇందులో భాగంగా ఇవాళ హైదరాబాద్ రవీంద్రభారతిలో సర్కార్ వందేళ్ల ఉత్సవాలు ఘనంగా నిర్వహించారు. మెజీషియన్ అకాడమీ ఆధ్వర్యంలో జరిగిన ఈ కార్యక్రమానికి నగర పోలీస్ కమిషనర్ ఎకె ఖాన్ చీఫ్ గెస్ట్ గా హాజరయ్యారు.
          ఈ సందర్భంగా ఖాన్ మనం ప్రస్తుత సమాజంలో అనాదిగా వస్తోన్న సంప్రదాయ కళలను కాపాడుకోలేక పోతున్నామని ఒకింత ఆవేదన వ్యక్తం చేశారు. భారతీయ ఇంద్రజాల కళకు అంతర్జాతీయ ఖ్యాతి తెచ్చిపెట్టింది సర్కార్ అని ఆయన కీర్తించారు. ఈ సందర్భంగా ఏర్పాటు చేసిన ఇంద్రజాల ప్రదర్శన ఆహుతులను అలరించింది.

...avnk