Posted: 02/09/2012 01:40 PM IST

మాస్ మహరాజ రవితేజ చిత్రం ‘దరువు’. ఈ సినిమా షూటింగ్ బ్యాంకాక్ లో జరుగుతోంది. హీరోయిన్ తాప్సీ హీరో రవితేజలపై అక్కడ పాటలు చిత్రీకరిస్తున్నారు. ఈ పాటల్లోని సీన్స్ చాలా రంజుగా వచ్చాయట. తాప్సీ అందాలు యువ ప్రేక్షకులకు మద్దెల మోతే అంటున్నారు చిత్ర వర్గాలు. ఈ సినిమా సోషియో ఫాంటసీ గా తెరకెక్కుతోంది. ఇప్పటివరకూ హైదరాబాద్, చెన్నై, బదామిలలో కొన్ని సన్నివేశాలు చిత్రీకరించారు.

బ్యాంకాక్ షెడ్యుల్లో చిత్ర యూనిట్ మొత్తం పాల్గొంటుందని సమాచారం. ఈ నెల 14 వరకు అక్కడే షూటింగ్ జరుపుకుని అనంతరం హైదరాబాద్ వస్తారు. శివ దర్శకత్వం వహిస్తుండగా బూరుగుపల్లి శివరామకృష్ణ నిర్మిస్తున్నారు. విజయ్ అంటోనీ సంగీతం అందిస్తున్న ‘సౌండ్ ఆఫ్ మాసెస్’ ట్యాగ్ లైన్ తో వస్తోన్న ‘దరువు’ చిత్రం వేసవిలో ప్రేక్షకులకు తన సౌండ్ ఎంతో వినిపించనుంది.

బ్రహ్మానందం, షియాజీ షిండే, రఘుబాబు, అవినాష్, ఎంఎస్ నారాయణ, ధర్మవరపు, వెన్నెల కిషోర్ తదితరులు ఇతర తారాగణం.

..avnk