Posted: 01/27/2012 03:33 PM IST

          రిలయన్స్ సంస్థ నిర్మాణంలో తెలుగు సినిమాల జాతర మొదలైందని ఇటీవలనే వెల్లడించాం. ఇప్పుడు ఆ నిర్మాణ సంస్థ ఆధ్వర్యంలో ఓ భారీ చిత్రం మొదలు కాబోతోంది. ‘దేవుడు చేసిన మనుషులు’ టైటిల్ తో రాబోతోన్న ఈ చిత్రానికి సన్సేషనల్ డైరెక్టర్ పూరీ జగన్నాధ్ దర్శకత్వం వహిస్తుండగా, మాస్ మహరాజా రవితేజ హీరోగా నటిస్తున్నారు. ఇలియానా హీరోయిన్. శ్రీ వెంకటేశ్వర సినీ చిత్ర పతాకంపై భారీ చిత్రాల నిర్మాత బివిఎస్ఎన్ ప్రసాద్ ఈ మూవీని నిర్మిస్తున్నారు.

          ఈ సినిమా షూటింగ్ ఫిబ్రవరి 17 నుంచి స్టార్ట్ అవుతుంది. రెగ్యులర్ షూటింగ్ మార్చి 1 నుంచి ఏకధాటిగా సాగించి, జూన్ లో సినిమా విడుదల చేయాలని సంకల్పిస్తున్నారు. పూరీ-రవితేజ కాంబినేషన్లో వస్తోన్న ఐదవ చిత్రమిది. ఇందులో రవితేజ క్యారక్టరైజేషన్ చాలా డిఫెరెంట్ గా ఉండబోతుందని సమాచారం. వంద శాతం కమర్షియల్ మాస్ ఎంటర్ టైనర్ గా ఈ చిత్రం రూపొందుతుందని నిర్మాత బివిఎస్ఎన్ ప్రసాద్ చెబుతున్నారు. 

          ఈ చిత్రానికి ఫొటోగ్రఫీ : శ్యామ్ కె నాయుడు, సంగీతం : రఘు కుంచె, ఫైట్స్ : విజయ్, ప్రొడక్షన్ డిజైనర్ చిన్నా. కథ, స్క్రీన్ ప్లే, మాటలు, దర్శకత్వం : పూరీ జగన్నాథ్.

...avnk