Posted: 01/24/2012 03:26 PM IST

 ప్రముఖ నటుడు సాయికుమార్ తనయుడు, ఆది రెండో చిత్రం ‘లవ్ లీ’. తొలిసినిమా ‘ప్రేమకావాలి’లో మంచి నటన ప్రదర్శించి విమర్శకుల ప్రశంసలు సైతం ఆది సొంతం చేసుకున్నాడు. ప్రస్తుత ‘లవ్ లీ’ సినిమా ఈ యంగ్ హీరోకు తురుపుముక్క కాబోతుందని చిత్ర దర్శకులు బి.జయ ఘంటాపథంగా చెబుతున్నారు. ఈ మూవీలో ఆది సరసన అందాల సుందరి శాన్వి నటిస్తోంది.

         ‘లవ్ లీ’ సినిమా షూటింగ్ ప్రస్తుతం విదేశాల్లో యుద్ధప్రాతిపదికన జరుగుతోంది. టర్కీలోని ఇస్తాంబుల్ లో కొన్ని సన్నివేశాలు చిత్రీకరిస్తున్నారు. ఈ షెడ్యూల్ తో దాదాపుగా షూటింగ్ పూర్తవుతుందని చిత్ర వర్గాలు చెబుతున్నాయి. ఇప్పటికే కపడోషియా, ఆంటాల్వా, పాముక్కలే, కార్టెపె మౌంటెన్ లలోని అందమైన ప్రదేశాల్లో సాంగ్స్ షూట్ చేశారు.

          ఇక చిత్ర కథ విషయానికి వస్తే హీరోయిన్ పేరు లావణ్య ఎంతో పొందికైన అమ్మాయి. ఇంట్లో అంతా ముద్దుగా లవ్ లీ అని పిలుచుకుంటారు. ఈ అమ్మాయికి డాడీ మాటంటే వేదం. అయితే ఇలాంటి లక్షణాలున్న అమ్మాయే తన భార్య కావాలనుకుంటాడు హీరో. కట్ చేస్తే, తాను అమ్మాయి లోని ఏ గుణాలకు ముగ్థుడయ్యాడో అవే అతని ప్రేమకు అడ్డుగా నిలుస్తాయి. ఈ నేపథ్యంలో లవ్ ఎలా వర్క్అవుట్ అయిందనేది సినిమా స్టోరీ. ఈ మూవీలో డా. రాజేంద్రప్రసాద్ ఓ కీలక రోల్ పోషిస్తున్నారు.

          బి.ఎ రాజు నిర్మాతగా వ్యవహరిస్తోన్న ఈ చిత్రాన్ని ఆర్ఆర్ మూవీ మేకర్స్ వెంకట్ సమర్పిస్తున్నారు. లైన్ ప్రొడ్యూసర్ బి. శివకుమార్. సంగీతం అనూప్.

         

…avnk