Posted: 01/24/2012 10:39 AM IST

విజయ్, ఇలియానా హీరో,హీరోయిన్లుగా సుప్రసిద్ధ దర్శకుడు శంకర్ రూపొందించిన చిత్రం ‘స్నేహితుడు’. ఈ మూవీ ఎల్లుండి అంటే జనవరి 26 వతేదీ రిపబ్లిక్ డే రోజున ప్రేక్షకుల ముందుకు రానుంది. ఈ చిత్రానికి మూలం గురించి మాట్లాడుకుంటే, ‘త్రీ ఇడియట్స్’ చిత్రాన్ని తమిళంలో ‘నబ్బన్’ పేరుతో రీమేక్ చేశారు. దీనిని తెలుగులోకి ‘స్నేహితుడు’గా అనువాదం చేశారు.

తాను తీసే ప్రతీ చిత్రం ఎంతో విభిన్నంగా తీసే శంకర్, ‘స్నేహితుడు’ మూవీని కూడా చాలా పర్ఫెక్ట్ తెరకెక్కించారని సమాచారం. ఒరిజినల్ ‘త్రీ ఇడియట్స్’ లో ఒకే పాట ఉంటే ఈ సినిమాలో మొత్తం మూడు పాటలున్నాయి. ఇక హీరోయిన్ ఇలియానా డాక్టర్ పాత్రలో కనిపించబోతోంది. నేటి విద్యా వ్యవస్థ రూపురేఖలు, తీరుతెన్నులు మీద ఈ చిత్రం నడుస్తుంది. స్టూడెంట్ గా ఉన్నప్పుడు ఎదుర్కొనే ఇబ్బందులు ఈ చిత్రంలో కళ్లకు కడతాయి.

          విజయ్, శ్రీరామ్, జీవా, ఇలియానా ప్రధాన తారాగణం కాగా, సంగీతం హారిస్ జయరాజ్ అందించారు. నిర్మాత దిల్ రాజు.

…avnk