Posted: 01/05/2012 04:00 PM IST

        

సూపర్ స్టార్ రజనీ కాంత్.. తమిళ సినీవినీలాకాశంలో ద్రువతార.. అంతటి గొప్ప నటుని గురించి తెలుసుకోవాలని ఎవరికి ఉండదు చెప్పండి., ఆయన జీవితం ఆమూలాగ్రం పుస్తక రూపమైతే.. మరింత అందుబాటులోకి వచ్చేవీలు చిక్కుతుంది అందరికి. అయితే, ఆ కల సాకారమయ్యేరోజు త్వరలో రాబోతుంది.

         సినీ నిర్మాత, విమర్శకుడు అయిన నామన్ రామచంద్రన్ రజనీ జీవిత చరిత్రకు పుస్తకరూపం ఇవ్వబోతున్నారు. `రజనీకాంత్` పేరుతో వెలువడే ఈ పుస్తకం రజనీ పుట్టినరోజైన డిసెంబర్ 12న విడుదల కాబోతుంది. సూపర్ స్టార్ 62 వ బర్త్ డే జరుపుకునే 12.12.2012న రజనీ చేతులమీదుగా పుస్తకావిష్కరణ ఉంటుంది.

         రామచంద్రన్ స్వయంగా రజనీకాంత్ తో మాట్లాడి, పూర్తి వివరాలతో రూపొందిస్తున్న మొదటి ప్రామాణిక సంపుటి కావటం విశేషం. రజనీ సినీరంగ ప్రవేశం మొదలు..నేటి `రానా` వరకూ అన్ని అంశాలూ ఈ పుస్తకంలో పొందుపరచటం జరుగుతుంది. పెంగ్విన్ బుక్స్ ఇండియా ఈ పుస్తకాన్ని పబ్లిష్ చేస్తున్నారు. ఇంతకు ముందెన్నడూ వెలుగులోకి రాని అంశాలన్నీ ఈ పుస్తకం ద్వారా బహిర్గత మవుతాయంటున్నారు. అందుకోసం దాదాపు ఏడాది పాటు నిరీక్షిచాలి మరి.