Posted: 01/04/2012 11:13 AM IST

భారీ అంచనాలతో చిత్రనిర్మాణం జరుపుకుంటోన్న పవర్ స్టార్ పవన్ కళ్యాణ్ ఫోర్త్ కమింగ్ మూవీ.. `గబ్బర్ సింగ్`. ఈ సినిమా షూటింగ్ జనవరి 5 నుంచి హైదరాబాద్ లో జరుగనుంది. నగరంలో రెండు వారాల పాటు సాగే చిత్రీకరణకు సంబంధించి అన్ని ఏర్పాట్లూ పూర్తయ్యాయి. తదుపరి షెడ్యూల్ 20 వ తేదీ నుంచి పూణేలో చేస్తారు. సాధ్యమైనంత త్వరగా పోస్ట్ ప్రొడక్షన్, రీ రికార్డింగ్ పనులు పూర్తి చేసి ఏప్రిల్ 27వ తారీఖున ప్రేక్షకుల ముందుకు తేవాలని చిత్రయూనిట్ శ్రమిస్తోంది.

ఇక చిత్రకథాంశానికి సంబంధించి బాలీవుడ్ బ్లాక్ బస్టర్ మూవీ దబాంగ్ ఈ సినిమాకు ఆధారం. పూర్తి స్థాయి కమర్షియల్ ఎంటర్ టైనర్ గా మూవీని తెరకెక్కిస్తున్నారు. కొండవీడు పేరు మెగా అభిమానుల్లో ఎప్పటికీ మరువలేనిదని మనకి తెలుసు. అదే ప్రాంత పోలీస్ ఆఫీసర్ గా పవన్ ఈ సినిమాలో నటిస్తుండటం విశేషం. ఇప్పటికే ఈ మూవీ ఫస్ట్ లుక్ పవన్ ఫ్యాన్స్ కూ, అటు సినిమా అభిమానులకూ అమితంగా నచ్చేసింది. పవర్ స్టార్ సరసన నటిస్తోన్న శ్రుతి హాసన్ కెరీర్ లో ఈ సినిమా ఆణిముత్యంగా నిలిచిపోనుందని కూడా చిత్రవర్గాలు చెబుతున్నాయి.

హరీష్ శంకర్ డైరెక్షన్లో తెరకెక్కుతోన్న`గబ్బర్ సింగ్` చిత్రాన్ని గణేష్ బాబు నిర్మిస్తున్నారు. సంగీతం దేవీ శ్రీ ప్రసాద్.