Posted: 01/03/2012 04:47 PM IST

హాలీవుడ్ అందాల భామ సల్మా హయక్ ప్రాన్స్ దేశపు ప్రతిష్టాత్మక అవార్డును అందుకోనుంది. `లిజియన్ డి హానర్` పేరిట ఇచ్చే ఈ అవార్డు 210 ఏళ్ల క్రితం నెపోలియన్ బోనాపార్టీ నెలకొల్పారు. దేశ విదేశాల్లో సేవలందించిన వివిధ రంగాలకు చెందిన ప్రముఖ వ్యక్తులకు ఈ అవార్డు బహుకరిస్తారు. ఫ్రాన్స్ అధ్యక్షుడు నికొలాస్ సర్కోజీ చేతులమీదుగా సల్మా ఈ అవార్డు తీసుకోనుంది. ఫ్రాన్స్ దేశానికి చెందిన హెన్రీ ఫ్రాంకోయిస్ ఫినాల్డ్ ను ఈ మెక్సికన్ ముద్దుగుమ్మ వివాహమాడిన సంగతి విదితమే. హాలీవుడ్ లో వెలుగొందుతున్న మెక్సికన్ యాక్టర్స్ లో సల్మాదే అగ్రస్థానం. ఇప్పటికే ఎన్నో అవార్డులు, రివార్డులు అందుకున్న ఈ అమ్మడు ఆస్కార్ కూ నామినేట్ అయింది.

కాగా, గతంలో ఈ అవార్డు అందిపుచ్చుకున్న ప్రముఖుల్లో క్లింట్ ఈస్ట్ఉడ్, రాబర్ట్ రెడ్ ఫోర్డ్, రాబర్డ్ డీ నీరో, లెన్రీ క్రావిజ్ లు ఉన్నారు.