Posted: 12/31/2011 04:13 PM IST

రామ్‌చరణ్ హిందీ రంగంలోకి అడుగుపెట్టబోతున్నారు. తొలి ప్రయత్నంగా ఆయన చేయబోతున్నది సాదా సీదా సినిమా కాదు. బిగ్ బి అమితాబ్ బచ్చన్‌కి స్టార్ హోదాని తెచ్చిపెట్టిన ‘జంజీర్’ రీమేక్ ద్వారా చరణ్ బాలీవుడ్‌కి పరిచయం కాబోతున్నారని సమచారం. ఈ చిత్రం ఆధారంగానే తెలుగులో ఎన్టీఆర్ హీరోగా ‘నిప్పులాంటి మనిషి’ చిత్రాన్ని రూపొందించారు. పాత ‘జంజీర్’ని ప్రకాష్ మెహ్రా స్వీయదర్శకత్వంలో రూపొందించారు. 1973లో విడుదలైన ఈ చిత్రం ఓ ట్రెండ్‌సెట్టర్ అయ్యింది. ప్రస్తుతం ఈ చిత్రం రీమేక్‌ని ప్రకాష్ మెహ్రా తనయుడు రిలయన్స్ ఎంటర్‌టైన్‌మెంట్‌తో కలిసి నిర్మించబోతున్నారని వినికిడి. ఏక్ అజ్‌నబీ, షూట్‌ఔట్ లోకండ్‌వాలా చిత్రాలకు దర్శకత్వం వహించిన అపూర్వ లకియా ఈ చిత్రానికి దర్శకత్వం వహించనున్నారట. వచ్చే ఏడాది ఏప్రిల్‌లో ఈ చిత్రం సెట్స్‌కి వెళ్లే అవకాశం ఉందట.