Sp Balu To Take Megaphone Soon

Posted: 12/19/2011 03:25 PM IST

sp-balu నాలుగు దశాబ్దాల కాలంలో 15 భాషల్లో నలభై వేల పాటలను పాడి ఎన్నో పురస్కారాలను గ్రహించిన ఎస్ పి బాల సుబ్రహ్మణ్యం టివి షోల్లోనూ, సంగీత కార్యక్రమాల్లోనూ చురుగ్గా పాల్గొని శ్రోతల హృదయాలను రంజింపజేయటంలో దిట్ట. దర్శకుడు కె విశ్వనాధ్ తో కలిసి నటించి ఈ మధ్యనే పూర్తయిన గోపురం సినిమా తెలుగు వారంతా గర్వపడే విధంగా ఉంటుందని కాకినాడలో ఒక ప్రైవేట్ హాస్పిటల్ ప్రారంభోత్సవంలో బాలు చెప్పారు.

చలన చిత్రాలకు నేపథ్య గాయకుడిగా, సంగీత దర్శకుడిగా, నటుడిగానే కాకుండా టివి షోలలో పాల్గొని కళామతల్లి సేవలో తన జీవితాన్ని అంకితం చేసి ప్రభుత్వం నుంచి పద్మశ్రీ, పద్మభూషణ బిరుదులను గైకొన్న బాలసుబ్రహ్మణ్యం, పాడుతా తీయగా అనే కార్యక్రమం తన కళాశాల అని పేర్కొన్నారు. త్వరలోనే చిత్ర దర్శకుడి బాధ్యతను కూడా వహిస్తానని బాలు కాకినాడలో ప్రకటించారు.

-శ్రీజ