Posted: 11/28/2011 04:02 PM IST

     నారా రోహిత్ హీరోగా కాజల్ చెల్లెలు నిషా హీరోయిన్ గా తెరకెక్కిన ''సోలో'' సినిమా చూడచ్చు ఒకసారి కానీ ఎక్కువగా అందులోంచి ఆశించవద్దన్న సమీక్షలు వచ్చాయి. సినిమా ప్రథమార్థం నవ్వులతో కాస్త అలరించినా, ద్వితీయార్థంలో జోరు కాస్త తగ్గిన మాట వాస్తవమే కానీ అలా సినిమాని రెండుగా విడగొట్టి ఎప్పుడూ చూడగూడదు. మధ్యలో హాల్లో లైట్లు వెలిగించి, ప్రేక్షకులు కాసేపు బయటకు వెళ్ళి రావటానికి వెసులుబాటు కలిగించినంత మాత్రం చేత అది వేరే భాగం, ఆ తర్వాతది వేరే భాగం ఎలా అవుతుంది? పైగా చిత్ర నిర్మాణం ఎలా వీలయితే అలా చేస్తారు కానీ మనకు కనిపించే క్రమంలోనే కాదు కదా!

     రోహిత్ హిట్ కొట్టటానికి ఇంకాస్త శ్రమించాలన్నది సత్య! నిషా అందం ప్రదర్శించటంలోనూ నటనను చూపించటం లోనూ సోలో లో విజయం సాధించిందనే చెప్పాలి. తెలుగు దేశం పార్టీ అధ్యక్షుడు నారా చంద్రబాబు నాయుడు బంధువైన నారా రోహిత్ రాజకీయాల్లో పార్టీకి మద్దతుగా పనిచేసేంత ఇమేజ్ ని తెచ్చుకోవాలంటే మరో సినిమా చెయ్యాలి, అది సోలో లా బాగా నలిగిన కథ అయ్యుండగూడదు. స్టార్ ఇమేజ్ ఉన్న జూనియర్ ఎన్టీఆర్ కి పోటీగా నిలబడాలంటే మాత్రం చకచకా మంచి సినిమాలు చేసి స్టార్ డమ్ కి ఎదగాల్సిన అవసరం ఉంది!

శ్రీజ