Posted: 11/28/2011 03:07 PM IST

     హాస్య నటుడు నటకిరీటి రాజేంద్ర ప్రసాద్ ముఖ్య పాత్రలో నటిస్తున్న సినిమాకెళ్దాం రండి సినిమా పూర్తికావొస్తోంది. ఎమ్ఎమ్ జి రెడ్డి దర్శకత్వంలో విభిన్న తరహా కథతో రూపొందుతున్న ఈ చిత్రాన్ని సీతా నెక్కంటి, సునీతా పాలడుగు సంయుక్తంగా శ్రీ ప్రొడక్షన్స్ పతాకం మీద నిర్మిస్తున్నారు. ఈ చిత్ర బృందం డిసెంబర్ 1 నుంచి మలేషియాలో నాలుగు పాటలకు చిత్రీకరణ ప్రారంభిద్దామనుకుంటున్నారు. ఆ పాటలకు సంగీతాన్ని శ్రవణ్ అందించారు. ఐటమ్ సాంగ్ ల రోజులు కాబట్టి తప్పనిసరిగా ఉండాలి మరి. విస్పోటక శృంగారదేవత సోనాతో ఆ పని కాస్తా పూర్తి చేద్దామని అనుకుంటున్నారు. ఈ చిత్ర కథ వినగానే రాజేంద్రప్రసాద్ కి తెగ నచ్చేసిందట. ఇది తన చిత్రరంగజీవితంలో మరో మంచి సినిమా అవుతుందని ఆయన ఆశిస్తున్నారు.