Posted: 11/20/2011 02:19 PM IST

పాకిస్తాన్ మీద బాలీవుడ్ తిరగబడిందా? చూడబోతే అలాగే ఉంది. సమస్యకు మూలం ఒక రియాల్టీ షో. ఇమాజిన్ టీవీ తన ‘స్వయంవర్’ షోలో సెలబ్రిటీగా పాల్గొనేందుకు పాకిస్తాన్ ఐటమ్ గర్ల్ వీణా మాలిక్‌ను ఎంపిక చేసింది. ఈ ప్రోగ్రామ్ ద్వారా వీణామాలిక్ భారత్‌లో తనకు తగిన వరుణ్ణి ఎన్నుకుంటుందన్న మాట. అయితే గతంలో ఇదే షో కోసం వధువుగా నటించి పాపులారిటీ సంపాదించిన రాఖీ సావంత్ ఈ విషయంపై మండి పడుతోంది. భారతదేశంలో ఎందరో సెలబ్రిటీలు ఈ షోలో పాల్గొనేందుకు సిద్ధంగా ఉండగా పనిగట్టుకొని పాకిస్తాన్ తారను పట్టుకురావల్సిన అవసరం ఏముందని ప్రశ్నిస్తోంది. ఇప్పటికే బాలీవుడ్‌లో చాలామంది తారలు ఈ విషయమై నిరసన తెలియచేస్తున్నారు. బాలీవుడ్ అసోసియేషన్ కూడా ఈ మేరకు ఒక నిరసన కార్యక్రమాన్ని నిర్వహించాలని నిర్ణయించింది. అయితే ఇంత గొడవ జరుగుతున్నా ఇమాజిన్ టీవీ కిమ్మనడం లేదు. ఊహించని ప్రచారం రావడం ఒకరకంగా మంచిదే అనుకుంటున్నట్టున్నారు.