వేసవికాలం మొదలయిన వెంటనే ప్రతిఒక్కరు తమ అందం, ఆరోగ్యానికి సంబంధించి చాలా జాగ్రత్తలను పాటిస్తారు. ముఖ్యంగా అమ్మాయిలు అందం విషయంలో దేనికైనా వెనుకాడరు. వేసవికాలంలో సూర్యుడు, భూమికి కొంచెం దగ్గరగా రావడం వల్ల.. సూర్యుని నుంచి వచ్చే కిరణాలు నేరుగా శరీరం మీద పడటంతో అనేకరకాల వ్యాధులు సంక్రమిస్తాయి. అందులో ముఖ్యంగా సూర్యుని నుంచి ప్రసరించే అతినీలలోహిత కిరణాలు చాలా హానికరమైనవి. ఇవి చర్మానికి సంబంధించిన క్యాన్సర్ వ్యాధిని కలుగచేస్తుంది.
సాధారణంగా వేసవికాలంలో వుండే వేడితాపం వల్ల ప్రతిఒక్కరు నల్లబడతారు. సూర్యుని కిరణాలలో వుండే శక్తి అధికంగా వుండటం వల్ల.. చర్మంలో వుండే కణాలు దెబ్బతింటాయి. అలాగే కొన్ని పోషకాలను కూడా కోల్పోవడంతో చర్మం తొందరగా నల్లబడటం మొదలవుతుంది. అలాగే పొడిబారడం కూడా జరుగుతుంది. సహజంగా ప్రతిఒక్కరు తమ కార్యకలాపాలను నిర్వర్తించుకోవడం కోసం బయటకు వెళ్లాల్సి వస్తుంది. అయితే బయటకు వెళ్లగానే ఎండతాపంతో చర్మంపై మంటగా అనిపిస్తుంది. అటువంటి చోటే చర్మం ఎక్కువగా నల్లగా మారడం జరుగుతుంది. ఫలితంగా అక్కడ మచ్చలు ఏర్పడుతాయి.
చర్మ సంరక్షణకు సంబంధించి వేసవికాలంలో చాలా జాగ్రత్తలు తీసుకోవాల్సి వుంటుంది. లేకపోతే చర్మ నిగారింపును, అందాన్ని తిరిగి పొందడటానికి చాలా సమయం పడటమే కాకుండా, అధికంగా డబ్బులను వెచ్చించుకోవాల్సి వస్తుంది. వేసవిలో చర్మసౌందర్యం దెబ్బతింటుందనే భావంతో చాలామంది బయటకు వెళ్లడానికి కూడా భయపడుతుంటారు. అటువంటి సమయాల్లో కొన్ని ముందుజాగ్రత్తలు పాటిస్తే.. చర్మం నల్లబడకుండా, పొడిబారకుండా, సౌందర్యం దెబ్బతినకుండా వుండొచ్చు.
వేసవిలో చర్మం నల్లబడకుండా వుండేందుకు తీసుకోవాల్సిన జాగ్రత్తలు, చిట్కాలు :
1. నీళ్లు : వేసవి కాలంలో ఎంత ఎక్కువ నీళ్లు తాగితే అంత మంచిది. ఎందుకంటే... ఇది శరీరంలో వుండే మలిన పదార్థాలను బయటకు తీసివేయడమే కాకుండా, చర్మం తేమగా వుండేలా చేస్తుంది. చర్మం తేమగా వున్నప్పుడు సూర్యుని కిరణాలు నేరుగా పడినా.. లోపల వున్న కణాలు సురక్షితంగానే వుంటాయి. ఫలితంగా చర్మం నల్లబడకుండా, తేమగా వుంటుంది. అంతేకాకుండా.. ఇది ఆరోగ్యానికి ఒక ఔషధంలా పనిచేస్తుంది.
2. ఫ్రూట్స్ : తేలికగా వుండే ఆహార పదార్థాలను ఎక్కువగా తీసుకుంటే చాలా మంచిది. అందులో పుచ్చకాయ, ద్రాక్ష, కర్పూజ, దానిమ్మ పండ్లు వంటివి తీసుకుంటే చాలా మంచిది. ఇందులో వుండే పోషక పదార్థాలు కూడా చర్మాన్ని ఎల్లప్పుడూ తేమగా వుంచడంలో సహాయపడతాయి. ఫలితంగా శరీరంలో వుండే వేడి బయటకు వెళ్లిపోతుంది. అలాగే మజ్జిగ, కొబ్బరి నీరు తాగడం కూడా ఆరోగ్యానికి ఎంతో మంచిది.
3. స్కిన్ లోషన్స్ : మీరు ఎక్కడికైనా బయటికి వెళ్లాలి అనుకుంటే.. శరీర చర్మానికి లోషన్లు రాసుకోవడం చాలా మంచిది. ప్రస్తుతకాలంలో ఇటువంటి లోషన్లు ఒకటికి మించి మరొకటి మార్కెట్లలో లభ్యమవుతుంటాయి. వీటి ధర కూడా తక్కువగానే వుంటాయి. ఇవి చర్మాన్ని నిత్యం తేమగా వుంచడానికి సహాయపడతాయి. సహజమైన స్కిన్ లోషన్ కావాలంటే.. మందార, లావెండర్, ఆఫ్రికాట్ నూనెలను ఒక మిశ్రమంలా కలిపి నల్లగా వున్న ప్రదేశాలలో మర్దన చేసుకుంటే చాలు. దీంతో చర్మం మృదువుగా తయారవడమే కాకుండా, సూర్యకాంతి నుంచి కాపాడి, చర్మం నల్లబడకుండా చేస్తుంది.
4. మాయిశ్చరైజర్ : ముఖానికి సంబంధించి చాలామంది రకరకాల పద్ధతులను అలవరిస్తుంటారు. చర్మం నల్లగా వుండకూడదనే భావనతో ప్రతీసారి సబ్బుతోగాని, ఇతర లోషన్లనుగాని వాడటం చేస్తారు. వీటికంటే తాజాగా వున్న మంచినీళ్లతో ముఖం కడుక్కుంటే ఎంతో ఉత్సాహంగా వుంటారు. కొద్ది మోతాదులో మాయిశ్చరైజింగ్ క్రీమును లేదా రోజ్ వాటర్ ను రాసుకుంటే మరీ మంచిది.
5. పచ్చికూరలు : క్యారెట్, బీట్ రూట్, కీరదోస వంటి పచ్చికూరగాయలను తీసుకోవడం కూడా చాలా మంచిది. వీటిని మర్దన చేసుకుంటే మరీ బాగుంటుంది.
- క్యారెట్ : సన్నగా తరుముకున్న క్యారెట్, క్యాబేజీ, ఓట్స్ కొద్దిమేరకు కలుపుకుని మిక్సర్ వేసి, బాగా పేస్ట్ చేసుకోవాలి. అందులో సగం చెంచా పాలమీగడ, సగం చెంచా తేనె, 3 చెంచాలవరకు నిమ్మరసాన్ని కలుపుకుని ప్రతిరోజూ ముఖానికి రాసుకుంటే చాలా మంచిది. ఈ మిశ్రమాన్ని 30 నిముషాలవరకు వుంచుకున్న తరువాత గోరువెచ్చని నీటితో శుభ్రం చేసుకోవాలి. ఇలా క్రమం తప్పకుండా చేస్తే.. ముఖంపై వుండే మచ్చలు, ముడతలు మాయమవడమే కాకుండా.. చర్మం నల్లబడకుండా ఆరోగ్యవంతంగా వుంటుంది.
- కీరదోస : సాధారణంగా కొంతమందికి అక్కడక్కడ నల్లమచ్చలు వస్తూ వుంటాయి. అటువంటివారు చల్లని నీటితో ముఖం కడుక్కుని గుండ్రంగా ముక్కలు చేసుకున్న కీరదోస ముక్కలను ముఖంపై 20 నిముషాలపాటు వుంచుకోవాలి. ఫలితంగా ముఖంపై వున్న మచ్చలు మటుమాయమవుతాయి.
6. ఐస్ మసాజ్ : బయటకు వెళ్లిరాగానే ముఖంపై మలిన పదార్థాలు ఒక్కసారిగా పేరుకుపోతాయి. వేసవి కాలంలో అయితే వేడితాపం వల్ల శరీరం నుంచి చెమట వెలువడడంతో, బయట వున్న వాతావరణ కాలుష్య ప్రభావం వల్ల చర్మం నల్లగా మారిపోతుంది. అటువంటి సమయంలో అధికంగా కష్టపడకుండా మొదట ఐస్ తో ముఖాన్ని మర్దన చేసుకుంటే చాలు... రోజంతా తాజాదనంగా వుండేలా ఉత్సాహాన్ని పొందుతారు.
7. స్విమ్మింగ్ : వేసవికాలంలో ప్రతిఒక్కరు స్విమ్మింగ్ చేయడం చాలా ఇష్టపడతారు. ఇలా చేయడం ఒక మంచి అలవాటు. దీంతో శరీరం తేమగా వుంటుంది కాబట్టి.. చర్మం నల్లగా మారడానికి వీలుగా వుండదు. ఇది ఎంతో ఆహ్లాదకరంగా వుంటుంది కూడా. అయితే స్విమ్మింగ్ ఎక్కువగా చేయడం వల్ల నీటిలో వుండే క్లోరిన్, జుట్టు రాలిపోవడానికి లేదా జుట్టు సౌందర్యానికి దెబ్బతీస్తుంది. కాబట్టి ఎక్కువ సమయంలో స్విమ్మింగ్ లో కేటాయించుకోకుండా వుంటే మంచిది. లేదా తలకు ఏదైనా మాస్క్ ధరిస్తే చాలు.
ఇలా ఈ విధంగా కొన్నిరకాల జాగ్రత్తలు పాటిస్తే.. సాధ్యమైనంతవరకు చర్మాన్ని నల్లబడకుండా కాపాడుకోవచ్చు.
(And get your daily news straight to your inbox)
Oct 24 | నేటి జీవనక్రమంలో కాలుష్య బారిన పడకుండా ఉండడం గమనార్హం.. అలా అని కాలుష్య బారిన పడి ఇటు చర్మాన్ని పాడు చేస్కోలేము.. ముఖం పై మచ్చలు,పొడిబరడం ఈ కాలుష్య జీవనానికి అందుకుంటున్న ముప్పు..వీటిని అరికట్టడం... Read more
Oct 23 | నేటి కాలంలో మన జీవన శైలిలో అందం - ఆరోగ్యం రెండు ఎంతో కీలకమైన భూమికను వహిస్తున్నాయి. రెండిట్లో దేని నిర్లక్ష్యం చెయ్యలేని పరిస్థితి.. రెండిటిని బ్యాలన్స్ చెయ్యడం ఎలా అని ఆలోచించే వారందరికీ... Read more
Jun 09 | అందమైన ముఖానికి మరింత అందాన్నిచ్చే టిప్స్ ఒక్కోసారి మనకి అందుబాటులో ఉన్నా కూడ వాటిని పెద్దగా పట్టించుకోము. లేనిపోని రంగులతో ముఖాన్ని అందంగా మలచుకుంటుంటాము. ప్రస్తుతం మనకు అందుబాటులో ఉన్నవాటితోనే మన ఫేస్ ని... Read more
Jun 04 | 'చక్కనమ్మా చిక్కినా అందమే' అంటారు. ఎందుకంటే బొద్దుగా, చబ్బీగా ఉండేవాళ్లు కొంచెం చిక్కితే ఆరోగ్యానికి ఆరోగ్యం, అందానికి అందం అని. అయితే ఇటీవల కాలంలో అనేక కారణాలవల్ల చాలామందికి ఊబకాయం వస్తోంది. ఆడవాళ్ల కంటే,... Read more
May 23 | బియ్యం కడిగే నీల్లాను అసలు మనం పట్టించుకోము.వాటిని పడేయడమో,లేక మొక్కలకు వేయడమో చేస్తాము.అయితే ఈ బయ్యం కడిగే నీళ్ళు మొక్కలకే కాదు మనకి కూడా ఉపయోగాపడతుంది.మనకి అవసమైన గాలినిచ్చే మొక్కలకే ఉపయోగపడే ఆ నళ్లు... Read more