రాయపాటి వారు సమర్పించు తెలంగాణ ప్రదేశ్ ..

Posted: 11/06/2013 04:53 PM IST

Rayapati sambasiva rao talks on telangana pradesh

ఇప్పటి వరకు మనకు ఆంద్రప్రదేశ్, మద్యప్రదేశ్, అరుణాచల్ ప్రదేశ్, హిమాచల్ ప్రదేశ్, ఉత్తర్ ప్రదేశ్, లాంటి పేర్లు తెలుసు. ఇక నుండి సరికొత్త పేరు రాబోతుంది. గుంటూరు కాంగ్రెస్ ఎంపీ రాయపాటి సాంబశివరావు మరో కొత్త ప్రదేశ్ ను కనుగొన్నారు. ఇప్పటి వరకు అందరు ఆంద్రప్రదేశ్ అని పిలిస్తే.. ఇక నుండి తెలంగాణ ప్రదేశ్ గా పిలవాలని ఆయన కోరుతున్నారు. రాష్ట్రం సమైక్యంగా ఉంచాలంటే... ఇదొక్కటే మార్గం అని మన రాయపాటి సాంబశివరావు అంటున్నారు.

సమైక్యాంద్ర కోసం ఎంపీ పదవికి రాజీనామ చేసి, ఢిల్లీలో చంద్రబాబు సమైక్యాంద్ర కోసం చేసిన దీక్షకు మద్దతు తెలిపి, జగన్ సమైక్యశంఖారావం సభను సమర్థించిన ఘనత మన రాయపాటి వారికే దక్కింది. అయితే ఇటీవల కాలంలో సమైక్యాంద్ర కోసం రాయపాటి వారు సీమాంద్రలో కొత్త పార్టీ పెడతారనే వార్తలు పుష్కలంగా వినిపించాయి. కానీ ఈరోజు మాత్రం మరోల మాట్లాడుతున్నారు. నేను ఎప్పటికీ సమైక్యవాదినేనని ఆయన అన్నారు.

అయితే రాష్ట్ర విభజన పై రాయపాటి మాట్లాడుతూ.. ఆంధ్రప్రదేశ్ ను తెలంగాణ ప్రదేశ్ గా మార్చుకున్నా తమకు అభ్యంతరం లేదని అన్నారు. అయితే రాష్ట్రాన్ని, తెలుగు జాతిని విభజించవద్దని రాయపాటి కోరారు. రాష్ట్రం సమైక్యంగా ఉండాలని కోరుకుంటున్నానని, సమైక్యంగా ఉంటేనే కాంగ్రెస్ పార్టీకి లాభమని ఆయన అన్నారు. కొంతమంది సీమాంద్ర కాంగ్రెస్ నేతలు మాత్రం సమైక్యాంద్ర వద్దు.. విభజన ముద్దు అంటున్నారు. రాష్ట్ర విభజనకు మద్దతు ఎక్కువుగా తెలుపుతుంది కూడా సీమాంద్ర కాంగ్రెస్ నాయకులే. అలాంటి వారిలో.. కేంద్ర మంత్రి కావూరి సాంబశివరావు, కిళ్లి క్రిపారాణి, పనబాక లక్ష్మీ, పళ్లం రాజు, డి. పురందేశ్వరి అలాంటి సీమాంద్ర కాంగ్రెస్ నేతలే బహిరంగంగా రాష్ట్ర విభజనను అంగీకరిస్తున్నారు.

తెలంగాణ రాష్ట్రం కావలని.. తెలంగాణ కాంగ్రెస్ నేతలు.. 100 పేజీల నివేదిక జీవోయంకు సమర్పిస్తే, సమైక్యాంద్ర కావాలని 10 పేజీల నివేదికను జీవోయంకు సీమాంద్ర నేతలు సమర్పించటం జరిగింది. ఇక్కడే.. సమైక్యాంద్రను ఎంతమంది కోరుకుంటున్నారో అర్థమవుతుందని రాజకీయ నిపుణులు అంటున్నారు. ఇలాంటి సందర్భంలో రాయపాటి వారు సమర్పించిన ‘‘తెలంగాణ ప్రదేశ్ ’’ను కాంగ్రెస్ హైకమాండ్ పట్టించుకుంటుందో లేదో చూడాలి. అయితే తెలంగాణ నేతలు, తెలంగాణ ప్రజలు, తెలంగాణ పేరు కోసం ఉద్యమం చేయలేదు. ప్రత్యేక రాష్ట్రం కోసమే తెలంగాణ ప్రజలు ఉద్యమం చేసిన విషయం రాయపాటి ఎలా మరిచిపోయారో అర్థం కావటం లేదని తెలంగాణ కాంగ్రెస్ నాయకులు అంటున్నారు.