కొదండరామ్ అడ్డుతప్పుకో-కిషన్ రెడ్డి హెచ్చరిక -

Posted: 09/06/2013 11:07 AM IST

ప్రజాస్వామ్యంలో ఎవరైనా సభలు పెట్టుకుని తమ వాదనలు విన్పించవచ్చని ఏపీ ఎన్జీవోల సభ నిర్వహించుకునే రోజే తెలంగాణ ఐకాస బంద్ కు పిలుపునివ్వడం సమంజసం కాదని బీజేపి రాష్ట్ర అధ్యక్షుడు కిషన్ రెడ్డి అన్నారు. ఉద్రిక్త పరిస్థితులతో ఉద్యమాలు పక్కదారి పడతాయని, బంద్ లేకుంటేనే భాగుంటుందన్నారు. ఏపీఎన్జీవోల సభకు అనుమతిచ్చిన విషయం తెలిసిందే. అయితే ఇలాంటి సమయంలో జేఏసీ చైర్మన్ ఫ్రొ. కోదండరామ్ , తెలంగాణ నేతలు, బంద్ కు పిలుపు ఇవ్వటం మంచి పద్దతి కాదు. రాజధాని పై సీమాంద్ర ప్రజలకు హక్కు ఉందని కిషన్ రెడ్డి అన్నారు. అయితే రెండు ప్రాంతాల ఉద్యోగుల మద్య కాంగ్రెస్ చిచ్చు పెట్టిందని, ఒకే కార్యాలయంలో పనిచేసేవారు కలిసి మాట్లాడుకోలేని, కలిసి భోజనం చేయలేని పరిస్థితి కల్పించిందన్నారు. ఇలా జరగటానికి కారణం కేవలం కాంగ్రెస్ పార్టీయేనని కిషన్ రెడ్డి అన్నారు. తెలంగాణ ప్రక్రియ జరగుతున్న సమయంలో.. తెలంగాణ నేతలు, తెలంగాణ ఉద్యోగులు తొందరపడితే.. విభజన ప్రక్రియకు ఆటంకం కలుగుతుందని కిషన్ రెడ్డి గుర్తు చేశారు. ఏపీ ఎన్జీవోలు సభ పెట్టుకున్నంత మాత్రం .. తెలంగాణ రాకుండా పోతుందా? తెలంగాణ ఇచ్చేది కాంగ్రెస్ పార్టీ, తీసుకునే తెలంగాణ ప్రజలు.. మధ్య ఎంతమంది ఎన్ని సభలు పెట్టిన ఫలితం ఏం ఉండదు కాబట్టి, తెలంగాణ నేతలు, తెలంగాణ ప్రజలు, తెలంగాణ ఉద్యోగులు సమయనం పాటించాలి. అప్పుడే మనకు తెలంగాణ దక్కుతుంది. ఎవరైన రెచ్చగొట్టే ప్రకటన చేయటం వల్ల ఇరుప్రాంతాలకు భారీ నష్టం జరిగే ప్రమాదం ఉందని ఆయన హెచ్చరించారు. ఏపీ ఎన్జీవోల సభ వల్ల తెలంగాణకు జరిగే నష్టం ఏం లేదని కిషన్ రెడ్డి అన్నారు. ‘‘ పులిని చూసి నక్క వాతలు పెట్టుకుందనే’’ విధంగా ఏపీ ఎన్జీవోల సభకు భయపడి తెలంగాణ బంద్ ప్రకటించారు అనే విషయం ప్రతి ఒక్కరికి అర్థం అవుతుంది. ఒకరకంగా చెప్పలంటే.. ఏపీ ఎన్జీవోల సభకు పబ్లిసిట్ పెంచుతుంది కేవలం తెలంగాణ నేతలే, తెలంగాణ ఉద్యోగులే. వీరి వలనే.. ఏపీ ఎన్జీవోల సభకు క్రేజ్ పెరుగుతుందని ఆయన అన్నారు. ఈ విషయం తెలుసుకొనే.. ఏపీ ఎన్టీవోల సభకు అడ్డుకోకుండా ఉంటే, వారి మనసులో ఉన్న మనోభావాలు ఏమిటో తెలంగాణ ప్రజలకు తెలుస్తాయని కిషన్ రెడ్డి అన్నారు.