రెడ్డి గారు దేనికైనా సై అంటున్నారు..

Posted: 08/20/2013 01:39 PM IST

రాష్ట్ర ముఖ్యమంత్రి నల్లారి కిరణ్ కుమార్ రెడ్డి రోజు రోజుకి వీరయోధుడుగా మారిపోతున్నాడు. మొదట్లో చాలా నెమ్మదిగా, ఓంటెద్దు పోకడుతో సాగిన ముఖ్యమంత్రి నడక.. ఇప్పుడు స్పీడ్ పెంచాడు. అంతేకాకుండా కేంద్రం పైనే ఘాటైన విమర్శలు చేస్తున్నారు. నిన్నటి వరకు సైలెంట్ గా ఉన్న సీఎం కిరణ్ .. ఈ రోజు సమైక్యాంద్రకు మద్దతుగా తన వాణి ఢిల్లీ పెద్దల ముందు వినిపించేందుకు వెళ్లిన విషయం తెలిసిందే. అయితే కిరణ్ కుమార్ రెడ్డి రాష్ట్రాన్ని సమైక్యంగా ఉంచేందుకు దేనికైనా సిద్ధమైనట్లుగా జోరుగా ప్రచారం సాగుతోంది. రాష్ట్రాన్ని సమైక్యంగా ఉంచేందుకు అవసరమైతే తాను ముఖ్యమంత్రి పదవిని సైతం వదులుకునేందుకు సిద్ధంగా ఉన్నానని ఆయన ఆంటోని కమిటీకి చెప్పనున్నారని సమాచారం. తాను ఎట్టి పరిస్థితుల్లో విభజనకు అంగీకరించేది లేదని, సీమాంధ్ర ప్రజాప్రతినిధులు కూడా అంగీకరించరని వారికి తేల్చి చెప్పనున్నారు. సిడబ్ల్యూసి నిర్ణయం వెలువడినప్పటి నుండి సీమాంధ్రలోని పదమూడు జిల్లాల్లో ఉద్యమం రోజు రోజుకు జోరందుకుంటోందని, విభజనకు అనుకూలంగానే ఉంటే కాంగ్రెసు పార్టీ తుడిచి పెట్టుకు పోవడం ఖాయమని ఆయన చెప్పనున్నారట. రాష్ట్రాన్ని యథాతథంగా ఉంచేందుకు తాను ముఖ్యమంత్రి పదవిని వదులుకునేందుకు సిద్ధమని, దానిని తెలంగాణ ప్రాంతం వారికి ఇచ్చేందుకు ఎలాంటి అభ్యంతరం లేదని తేల్చి చెప్పనున్నారని ప్రచారం సాగుతోంది. అయితే రాష్ట్రం పై రెడ్డిగారు తీసుకున్న నిర్ణయం ఏమిటో సాయంత్ర తెలుస్తోందని కాంగ్రెస్ నాయకులు అంటున్నారు. అప్పటి వరకు వేచి చూడాల్సీందే. అయితే ముఖ్యమంత్రికి సపోర్టు సీమాంద్ర నాయకులు ఉన్నట్లు సమాచారం. కావూరి యూ టర్న్ తీసుకున్న విషయం తెలిసిందే. మరికొంతమంది సీనియర్ నాయకులతో ముఖ్యమంత్రి మంతనాలు జరిపి, ఒక నిర్ణయం తీసుకున్నట్లు కాంగ్రెస్ నాయకులు అంటున్నారు.