రెండు రాష్ట్రాలుంటే తప్పేంటి? కిషన్ రెడ్డి

Posted: 07/01/2013 04:35 PM IST

ఇటీవల బీజేపీ రాష్ట్ర అధ్యక్షుడు కిషన్ రెడ్డికి నెల్లూరులో సమైక్య సెగ తగిలిన విషయం తెలిసిందే. ప్రత్యేక తెలంగాణ పై పట్టువీడని విక్రమార్కడులా పోరాటం చేస్తున్నా కిషన్ రెడ్డికి సమైక్య సెగతో షాక్ తిన్నారు. తెలంగాణలో బిజేపి గాలి వీస్తున్నప్పటికి , సమైక్యంద్రాలో మాత్రం బిజేపికి వ్యతిరేక గాలులు బలంగా వీస్తున్నాయి. రాష్ట్రాన్ని విడదీసే వారికి పై సమైక్యాంద్ర జేఏసీ మండిపడుతున్నారు. బీజేపీ రాష్ట్ర కార్యవర్గ సమావేశాలు ఈరోజు ఉదయం తిరుపతిలో ప్రారంభమయ్యాయి. పార్టీ సీనియర్ నేత వెంకయ్యనాయుడు, రాష్ట్ర అధ్యక్షుడు కిషన్‌రెడ్డి, బంగారు లక్ష్మణ్ తదితరులు ఈ సమావేశానికి హాజరయ్యారు. తిరుపతిలో బీజేపీ కార్యవర్గ సమావేశాలు జరుగుతున్న నేపధ్యంలో కిషన్ రెడ్డి తనదైన శైలిలో మాట్లాడారు. త్వరలో జరగబోయే స్థానిక ఎన్నికలు, ప్రత్యేక తెలంగాణ రాష్ట్ర ఏర్పాటు తదితర అంశాలపై ప్రధానంగా ఆ సమావేశాల్లో చర్చకు వచ్చే అవకాశాలున్నాయి. రాష్ట్ర విభజన విషయంలో భాజపాకు ఎటువంటి దురుద్దేశం, పక్షపాతం లేదని ఆ పార్టీ రాష్ట్ర అధ్యక్షుడు కిషన్ రెడ్డి స్పష్టం చేశారు. తెలుగు మాట్లాడేవారికి రెండు రాష్ట్రాలు ఉంటే తప్పేంటని ఆయన ప్రశ్నించారు. అధికారంలో ఉన్న కాంగ్రెస్ నాయకులు తెలంగాణ సాధన సభ పెట్టడంలో ఏమైనా అర్థం ఉందా అని అన్నారు. ఈరోజు కిషన్ రెడ్డి తిరమలలో శ్రీవారిని దర్శించుకొన్నారు.