తమ్ముడి కాలేజీ గొడవలో...హీరో నిఖిల్ ఫైట్ ?

Posted: 06/04/2013 07:19 PM IST

వెండితెర మీద హీరో ఫైట్ చేస్తే అభిమానులు చప్పట్లు కొడతారు. అదే నిజజీవితంలో హీరోగారు ఫైట్ చేస్తే .. ఏం జరుగుతుందో మన హ్యాఫీ డేస్, స్వామిరారా సినిమలో హీరోగా నటించిన హీరో నిఖిల్ కు బాగా తెలుసు. గతంలో హీరో నిఖిల్ ఫోలీస్ మెట్లు ఎక్కిన విషయం తెలిసిందే. ఈ రోజు తన తమ్ముడిని కాలేజీలో ర్యాంగింగ్ చేసారంటూ .. హీరో నిఖిల్ వీరంగం సృష్టించారు. దుండిగల్ లోని సెయింట్ పీటర్స్ కళాశాలలో ఇంజనీరింగ్ పరీక్ష రాస్తున్న నిఖిల్ సోదరుడు రోహిత్ పరీక్షా కేంద్రం వద్ద తన తోటి విద్యార్ధులతో గొడవపడ్డాడు. దీంతో వారి మధ్య మాటామాటా పెరిగి పరస్పరం కొట్టుకున్నారు. ఈ విషయాన్ని రోహిత్ తన అన్నకు ఫోన్ ద్వారా తెలియజేసాడు. 

దీంతో ఆగ్రహానికి గురైన నిఖిల్ ఒక్కసారిగి రెచ్చిపోయాడు. తన తమ్ముడిని ఎందుకు కోట్టారంటూ విద్యార్ధులను విచక్షణా రహితంగా చితకబాదాడు. విద్యార్ధుల గలాటా సమాచారాన్ని అందుకున్న పోలీసులు పరీక్షా కేంద్రం వద్దకు చేరుకుని నిఖిల్ ను, గొడవ పడ్డ విద్యార్ధులను అదుపులోకి తీసుకొని పోలీస్ స్టేషన్ కు తరలించారు. హీరోయిజం తెరపై చూపిస్తే చాలు.. బయట చూపిస్తే .. ఇలాగే ఉంటుందని పోలీసులు హీరో నిఖిల్ కు హితబోధ చేసినట్లు సమాచారం. అయితే ఈ గొడవపై కాలేజీ యాజమాన్యం ఎలాంటి ప్రకటన చెయ్యాలేదు.

ఈ మద్య కాలంలో సినీ నటులు ఇలాంటి చిన్న చిన్న విషయాల్లో మీడియాలో కనిపించటం, పోలీసులు హాడవుడి చెయ్యటం పెద్ద ఫ్యాషన్ అయ్యింది. డ్రంక్ అండ్ డ్రైవ్ లో పట్టుబడిన హీరో నిఖిల్ మళ్లీ పోలీసు స్టేషన్ కు రావటం పై అతని అభిమానులు మండిపడుతున్నారు. అసలు కాలేజీ గొడవకు గల కారణాలు ఏమిటో మాత్రం పూర్తిగా తెలియలేదు. కానీ హీరో నిఖిల్ ఆ విద్యార్థులపై దాడిచెయ్యటంతో వారిలో కొంత మందికి గాయాలు అయ్యానట్లు సమాచారం.

ఈ విషయంలో పోలీసులు చాలా సీరియస్ గా ఉన్నట్లు తెలుస్తోంది. అయితే కొంత మంది సీని పెద్దలు జోక్యం చేసుకొని, హీరో నిఖిల్ చేత ఆ విద్యార్థులకు క్షమాపణలు చెప్పించినట్లు తెలుస్తోంది. విద్యార్థుల భవిష్యత్తును ద్రుష్టిలో పెట్టుకోని కేసు లేకుండా పోలీసులు , సినీ పెద్దలు విద్యార్థులను, హీరో నిఖిల్ ను మందలించి పంపించినట్లు సమాచారం.