అంజలి.. రాకపోతే ..? వార్నింగ్ ?

Posted: 05/24/2013 04:45 PM IST

తమిళ తెరపై మంచి పేరు తెచ్చుకొని, తెలుగు తెరపై సీతమ్మగా గుర్తింపు తెచ్చుకున్న హీరోయిన్ అంజలికి కష్టాలు మొదలైనాయి. టాలీవుడ్ లో టాప్ హీరోయిన్ గా ఎదుగుతున్న సమయంలో అంజలీ పై అనేక పుకార్లు, విమర్శలు, వినిపిస్తున్నాయి. తొలియవ్వనంలో పరిచయం అయిన తమిళ దర్శకుడు అంజలి పై పగపెంచుకున్నట్లు తెలుస్తోంది. ఆ దర్శకుడికి సపోర్టుగా.. అందరికి అంజలి తల్లిగా పరియం అయిన ఆమె పిన్ని ఉన్నట్లు అంజలి అభిమానులు అంటున్నారు.

ఆ రోజుల్లో అంజలి చేత ఒక చెత్త సినిమాలో హీరోయిన్ గా అవకాశం ఇవ్వటం, ఆ సినిమా ఇంక రిలీజ్ కాకపోవటమే.. అంజలికి శాపంగా మారింది. ఆ దర్శకుడికి అంజలి వలన 40 లక్షలు నష్టం పోయాడని చెన్నై కోర్టులో ఫిటిషన్ వేయటం జరిగింది. హీరోయిన్ అంజలి పరువు తీయ్యటానికి తమిళ దర్శకుడు కళంజియం, అంజలి పిన్ని కలిసి ఇలా ప్లాన్ చేసినట్లు సమాచారం. తమిళ దర్శకుడు కళంజియం అంజలిపై పరువు నష్టం దావా వేసిన కేసుతో పాటు, అంజలి కనిపించడం లేదని, ఆమెను రప్పించాలని పిన్ని భారతీదేవి దాఖలు చేసిన పిటీషన్లు కోర్టు విచారిస్తోంది.

ఇప్పటికే పలు దఫాలు కోర్టుకు గైర్హాజరైన అంజలి ఈ సారి కూడా మరోసారి డుమ్మాకొట్టింది. హీరోయిన్ అంజలిపై చెన్నై కోర్టు సీరియస్ అయింది. ఆమె కోర్డుకు డుమ్మా కొట్టడమే అందుకు కారణం. కోర్టు ఆదేశాల మేరకు ఆమె ఈ రోజు (మే 24) విచారణకు హాజరు కావాల్సి ఉండగా గైర్హాజరైంది. దీంతో విచారణను జూన్ 5కు వాయిదా వేసిన కోర్టు...సీరియస్ వార్నింగ్ ఇచ్చింది. జూన్ 5న తప్పకుండా కోర్టు హాజరు కావాలని ఆదేశించింది.

జూన్ 5న కోర్టు ఆదేశాల మేరకు హాజరు కాక పోతే...ఆమెపై అరెస్టు వారెంట్ జారీ అయ్యే అవకాశాలు కూడా ఉన్నాయని కళంజియం తరుపు న్యాయవాది అంటున్నారు. మరి ఏం జరుగబోతోందో చూడాలి. కనీసం ఎందుకు రాలేక పోయాననే వివరణ కూడా అంజలి ఇవ్వక పోవడం గమనార్హం. అయితే అంజలికి అండగా ఉంటమన్న మన తెలుగు నిర్మాతలు , తమిళ దర్శకుడు కళంజియం, పిన్ని భారతీదేవి కబంద హస్తాల నుండి ఎలా కాపాడతారో వేచి చూడాలి.