Posted: 03/12/2013 01:10 PM IST

ప్రస్తుత కాలంలో మనిషి మహా అంటే అరవై సంవత్సరాలకు మించి బతకడం గగనమే. కారణం కాలుష్యం, ఆహారపు అలవాట్లు, దురలవాట్లు, రోగాలు... వెరసి వందేళ్ళు బతకాల్సిన మనిషి మధ్యలేని జీవితాన్ని ముగిస్తున్నాడు. కానీ ఇక పై మనషి వందేళ్ళు కాకుండా నూట యాభై సంవత్సరాలు బతుకుతాడంటున్నారు శాస్త్రవేత్తలు. బహుళ జాతీయ ఔషధ తయారీ సంస్థ గ్లాక్సో స్మిత్‌క్లైన్ కనుగొన్న కొత్త మందు అందుబాటులోకి వస్తే సునాయాసంగా ఒకటిన్నర సెంచరీ దాటేయొచ్చు అంటున్నారు. శరీరంలో వయసుపై ప్రభావం చూసే ‘ఏజింగ్ ఎంజైమ్ ’ పై ప్రభావం చూపే మం దుల ద్వారా దీర్ఘాయుష్షు సాధ్యమేనని, రెడ్‌వైన్‌లో కొద్ది మోతాదులో కనిపించే 'రెస్‌వెరట్రాల్ ' అనే పదార్థం ఆధారంగా తయారు చేసిన ఈ మందు 'సిర్ట్ 1' అనే ప్రోటీన్ కార్యకలాపాలను ఇది ఉత్తేజితం చేయడంతో మనిషి ఆయుష్షు పెరగడమే కాకుండా, క్యాన్సర్, డయాబెటిస్, అల్జీమర్స్ తదితర వ్యాధు లు తలెత్తే అవకాశమే లేకుండా చూసే ఈ మందును వాడటం ద్వారా 150 సంవత్సరాలు జీవించడానికి అవకాశం ఏర్పడుతుందన్నారు.

ఈ మందు  20 రకాల వ్యాధులను నివారించి వృద్ధాప్యాన్ని కూడా నెమ్మదింపజేస్తుందని పరిశోధనలకు నేతృత్వం వహించిన హార్వర్డ్ విశ్వవిద్యాలయం జెనెటిక్స్ ప్రొఫెసర్ డేవిడ్ సిన్‌క్లైర్ చెప్పారు. ఔషధాల చ రిత్రలోనే ఇప్పటివరకు ఎంజైమ్‌ను పరుగులు పెట్టించే మందు ఎప్పుడూ రాలేదని ఆయన అన్నారు. ఇంత వరకు బాగానే ఉన్నా, ఇఫ్పటికే ప్రపంచంలో జనాభా విపరీతంగా పెరిగిపోయి కాలుష్యం ఎక్కువుతుంది. ఈ మందు అందుబాటులోకి వస్తే... ఈ భూమి పై మనిషి జీవించడానికి చోటుండదేమో..?