Posted: 02/17/2013 12:45 PM IST

హైదరాబాద్ నడిబోడ్డు , పోలీస్ కార్యాలయం ఎదుట  ఆటలో ఆరుకోట్లు  పట్టుబడిన విషయం తెలిసిందే. అధికారులకు  ఇటీవల కాలంలో  అవినీతి డబ్బును త్వరగా పట్టుకుంటున్నారు.   భూమి మీద ఎక్కడ అవినీతి సొమ్ము ఉన్నసరే అధికారులు మాత్రం వేటాడి వెంటాడి పట్టుకున్నారు. అయితే ఈసారి మాత్రం వారికి సవాల్ గా జరిగింది. ఆకాశంలో  కోటి రూపాయులు వెళ్లిపోతున్నట్లు సమాచారం రావటంతో .. వెంటనే  పోలీస్ అధికారులు గగనంలో వెళ్లుతున్న కోటి రూపాయలను సురక్షితంగా  కిందికి ల్యాండ్ చేశారు. ఈ కోటి రూపాయలు ఎక్కడినేది కూడా పోలీసులు తెలుసుకోవటం జరిగింది. త్వరలో శాసనసభ ఎన్నికలు జరుగనున్న నాగాలాండ్‌లో ఎన్‌పిఎఫ్ (నాగాలాండ్ పీపుల్స్ ఫ్రంట్) అభ్యర్థి ఉపయోగిస్తున్న హెలికాప్టర్ నుంచి ఎన్నికల కమిషన్ నిఘా బృందం కోటి రూపాయల నగదును స్వాధీనం చేసుకుంది. ఎన్నికల కమిషన్ నియమించిన పరిశీలకులు నాగాలాండ్ శాసనసభ ఎన్నికల్లో లాంగ్‌లెంగ్ జిల్లాలోని నియోజకవర్గం నుంచి పోటీ చేస్తున్న నియెలీ పోమ్ అద్దెకు తీసుకున్నట్టుగా చెప్పబడుతున్న ఈ హెలికాప్టర్ నుంచి కోటి రూపాయల నగదు స్వాధీనం చేసుకున్నట్టు అధికార వర్గాలు తెలిపాయి. ఈ ఘటన నేపథ్యంలో ఆదాయ పన్ను, పోలీసు విభాగాల అధికారులను ఎన్నికల కమిషన్ బృందం అప్రమత్తం చేసినట్టు ఆ వర్గాలు పేర్కొన్నాయి.