Posted: 01/02/2013 09:23 AM IST

ప్రపంచం ఎంతో వేగంగా ముందుకు పరుగెడుతుంది. క్షణాల్లో కోట్లమందికి సమాచారం అందుతుంది. కారణం ఇంటర్ నెట్ . ప్రపంచవ్యాప్తంగా కోట్ల నిత్యం వాడే ఇంటర్ నెట్ ముప్పై సంవత్సరాలు పూర్తి చేసుకుంది. కీలక సమాచార వ్యవస్థ ‘ఇంటర్‌నెట్ ’ పుట్టి మంగళవారం  నిన్నటికి 30 ఏళ్లు పూర్తయ్యాయి. ఇంటర్‌నెట్‌ను 1983, జనవరి 1న అమెరికా రక్షణ శాఖ అధికారికంగా ప్రారంభించింది. ఇంటర్‌నెట్ ప్రొటోకాల్ సూట్ (ఐపీఎస్) సమాచార వ్యవస్థను పూర్తిస్థాయిలో ఉపయోగించుకోగలిగేలా రూపొందించిన ‘ఆర్పానెట్’ నెట్‌వర్క్ ఈ మేరకు ఆ రోజు అధికారికంగా ప్రారంభమైంది. కంప్యూటర్లను అనుసంధానం చేసే ‘ఆర్పానెట్’ అనే ఈ కొత్త పద్ధతే తర్వాత ‘వరల్డ్ వైడ్ వెబ్ (డబ్ల్యూడబ్ల్యూడబ్ల్యూ)’ రాకకు మార్గం సుగమం చేసింది.

తొలుత మిలటరీ అవసరాల కోసం చేపట్టిన ప్రాజెక్టులో భాగంగా 1960లలో వేల్స్ శాస్త్రవేత్త డొనాల్డ్ డెవీస్ పలు నెట్‌వర్క్ డిజైన్లను రూపొందించారు. వీటి ఆధారంగానే తర్వాత ఆర్పానెట్‌కు రూపకల్పన జరిగింది. కొత్త ఇంటర్‌నెట్ ప్రొటోకాల్ కోసం పాత వ్యవస్థలకు ప్రత్యామ్నాయంగా లోపరహిత ‘ఆర్పానెట్’ వ్యవస్థకు రూపకల్పన ప్రక్రియ 1983, జనవరి 1న పూర్తయి ఇంటర్‌నెట్ ఆవిర్భవించింది. తర్వాత బ్రిటన్ శాస్త్రవేత్త టిమ్ బెర్నర్స్-లీ కృషితో 1989లో వరల్డ్ వైడ్ వెబ్ వినియోగం మొదలైంది.