Posted: 12/24/2012 03:32 PM IST

ప్రధానిని వందసార్లు ఉరి తీసినా అవినీతి  పాపం పోదు అని ఒక నాయకుడు అన్నారు.  ఆయన కు నోటి దురుసు చాలా ఎక్కువ. ఆయన నోటి దురుసు వల్లే అనేసార్లు క్షమాణాలు చెప్పటం జరిగింది.  తొందపడి  నోరు జారటం, తరువాత సారీ నాలుక జారింది క్షమించండని ఒక మాటల్లోచెప్పేస్తారు.  ఆయన మాటల కోసం మీడియా వారు కూడా ఎదురు చూస్తుంటారు. ఆయన ఎవరో కాదు సీపీఐ రాష్ట్ర కార్యదర్శి నారాయణ. అలియాస్  చికెన్ నారాయణ  అని కూడా ప్రజలు ముద్దుగా పిలుచుకుంటారు. ఈసారి నారాయణ ద్రుష్టి  ప్రధాని మన్మోహన్ సింగ్ పై పడింది. ఆయన పై తీవ్రమైన విమర్శలు చేశారు.  ప్రధాని  మన్మోహన్ సింగ్ ను వందసార్లు  ఉరితీసినా   అవినీతి పాపం పోదని మీడియా ముందు మండిపడ్డారు.  కేంద్ర ప్రభుత్వం  ఎంపీలను బెదిరింది, ప్రలోభాలకు  గురిచేసి  ఎఫ్ ఢీ ఐలు , అణు ఒప్పందం తదితర బిల్లులను  ఆమోదింపజేసుకుందన్నారు.  10 లక్షల కోట్ల విలువైన  బొగ్గు గనులను మాపియాకు  కట్టబెట్టారని, అలాంటి  ప్రధానిని ఏం చేసినా తక్కువేనన్నారు.   అయితే  ఈ నెల 28న జరగబోయే అఖిల పక్ష సమావేశంలో  కాంగ్రెస్ నేతలను నిలదీస్తామని ఆయన అన్నారు.  త్వరగా తెలంగాణ సమస్య నిర్ణయం తీసుకోవాలని  కాంగ్రెస్ అధిష్టానం ఒత్తిడి పెంచుతామని  నారాయణ ఆవేశంగా అన్నారు.

అంతేకాకుండా రాజకీయ అవినీతిని  నిర్మూలించేందుకు  యువత నడుం బిగించాలని  పిలుపునిచ్చిన ఆయన.. అవినీతికి వ్యతిరేకంగా  పోరాడతున్న  తమపై తప్పుడు  కేసులు బనాయించి  జైలులో  పెట్టించిన వారంతా అనేక కేసుల్లో  ప్రస్తుతం  జైలు ఊచలు లెక్కిస్తున్నారన్నారని ఎద్దేవా  చేశారు.   దేశ రాజధానిలోనే  సామూహిక  అత్యాచారం  చేసిన దర్మార్గులను  నడిరోడ్డుపై  ఎన్ కౌంటర్  చేయాలని .. అప్పుడే  మహిళలకు  భరోసా, కామందుల్లో  భయం కలిగించవచ్చునన్నారు.   ఢిల్లీ సంఘటన విషయం లో కూడా  ప్రధాని మంత్రి , సోనియాగాంధీ, ఢిల్లీ ముఖ్యమంత్రి షిలా దీక్షిత్ లు  విఫలమయ్యారని నారాయణ అన్నారు.  అన్నింట్లో  కాంగ్రెస్ ప్రభుత్వం విఫలమవుతుందని  ఆయన గుర్తు చేశారు.  అందుకే ప్రదానిని వందసార్లు ఉరి తీస్తే  అవినీతి , దుర్మర్గులు  అంతరించి పోతారని ఉద్దేశంతో  నారాయణ   అన్నట్లుగా చెప్పటం జరిగింది.