Posted: 12/25/2012 09:25 AM IST

తెలుగు దేశం పార్టీ అధినేత చంద్రబాబు నాయుడు కుమారుడు నారా లోకేష్ ఈ మధ్య పార్టీ కార్యక్రమాల్లో చురుగ్గా పాల్గొంటున్న విషయం తెలిసిందే. ఇప్పటికే టీడీపీలో తెర వెనుక నుండి వ్యహారాలు నడిపిస్తున్న నారా లోకేష్ ప్రస్తుతం తన తండ్రి నిర్వస్తున్న వస్తున్న మీ కోసం యాత్ర ముగియగానే, ఈయన కూడా రాష్ట్రం అంతా సైకిల్ యాత్ర చేపట్టనున్నాడని మీడియాలో కథనాలు వస్తున్నాయి. 2014 ఎన్నికలు సమీపిస్తున్న నేపథ్యంలో సైకిల్ పై రాష్ట్రమంతా పర్యటించాలని నిర్ణయించుకున్నట్లు సమాచారం. ఇప్పటికే తన తండ్రితో కలిసి పాదయాత్రలో పాల్గొన్న లోకేష్, ఈ మధ్య సోషల్ నెట్ వర్కింగ్ సైట్లో జగన్ పార్టీకి చురకలు అంటించి వార్తల్లో నిలిచిన ఈయన, ఇక ఈ సైకిల్ యాత్ర ద్వారా ప్రజల్లోకి వెళ్ళడమే కాకుండా, జగన్ పార్టీ అక్రమాలను ప్రజలకు వివరించనున్నాడని పార్టీ వర్గాలు అంటున్నాయి. ఇక ఈయన వచ్చే ఎన్నికల్లో అసెంబ్లీ స్థానానికి చంద్రగిరి నియోజక వర్గం నుండి పోటీ చేసే అవకాశాలు కూడా ఉన్నాయని అంటున్నారు. తండ్రి తరువాత పార్టీని చక్కబెట్టే బాధ్యత ఇప్పటి నుండే తీసుకుంటున్న లోకేష్ తలపెట్టిన పాదయాత్ర నాయకుడిగా ఎదగడానికి బాగానే ఉపయోగ పడుతుంది. కానీ ఈయన సైకిల్ ఎక్కి రాష్ట్రమంతటా తిరగ గలరా లేదా ? అన్నది సందేహంగా ఉందంటున్నారు రాజకీయ విశ్లేషకులు. మరి తన తండ్రి చంద్రగిరి నుండి గెలిచి రాజకీయ అరంగ్రేటం చేశాడు. మరి లోకేష్ కి చంద్రగిరి కలిసి వస్తుందో లేదో చూడాలి.