Ap Assembly Adjourned Thursday

Posted: 09/18/2012 01:01 PM IST

TRS-MLAs వర్షాకాల అసెంబ్లీ సమావేశాలలో రెండో రోజు కూడా యథాస్థితి కొనసాగింది. మొదటి రోజు తెలంగాణ కోసం టీఆర్ఎస్ ఎమ్మెల్యేలు పట్టుబట్టారు. రెండో రోజు కూడా విపక్షాల ఆందోళనలు కొనసాగాయి. మళ్లీ అదే లొల్లి జరిగింది. తెలంగాణపై తీర్మానంపైనే టీఆర్‌ఎస్‌ సభ్యలు పట్టుబట్టారు. సభ వాయిదా పడినప్పటికీ, వారు పట్టించుకోలేదు. స్పీకర్‌ అన్ని పార్టీల శాసనసభా పక్ష నేతలతో మాట్లాడారు. సభ సజావుగా సాగేందుకు సహకరించాలని స్పీకర్‌ వారికి సూచించారు. అనంతరం సభ ప్రారంభం కాగానే తెలంగాణపై తీర్మానం ప్రవేశపెట్టాలనే డిమాండ్‌నే టీఆర్‌ఎస్‌ సభ్యులు కొనసాగించారు.

అంతేకాక స్పీకర్‌ పోడియం వద్దకు దూసుకెళ్లి ఆందోళనకు దిగారు. స్పీకర్‌ వారికి నచ్చచెప్పిన్పటికీ వారు తమ పంతం వీడలేదు. దీంతో స్పీకర్‌ సభను గురువారానికి వాయిదా వేశారు. మొత్తం 5 రోజులు జరగనున్న అసెంబ్లీ సమావేశాల్లో రెండు రోజులు వాయిదాలతోనే గడిచిపోయింది. మరి మిగతా రోజుల్లోనైనా సజావుగా సాగుతాయో లేదో చూడాలి.