Madhu Yashki Fires On Seemandhra Leaders

Posted: 09/18/2012 12:11 PM IST

Madhu Yashki fires on seemandhra leaders

తెలంగాణ ఇస్తే ప్రభుత్వాన్ని పడగొడతామని కాంగ్రెస్‌ను బ్లాక్‌మెయిల్ చేస్తూ రాష్ట్ర ఏర్పాటును అడ్డుకుంటున్న కేవీపీ, కావూరి, లగడపాటి వంటి నేతలను బట్టలూడదీసి తరిమికొడితేనే తెలంగాణ వస్తుందని నిజామాబాద్ ఎంపీ మధుయాష్కీగౌడ్ సంచలన వ్యాఖ్యలు చేశారు. సీమాంధ్రకు చెందిన 10మంది ఎంపీలు కేవీపీ నాయకత్వంలో కేంద్రప్రభుత్వాన్ని బెదిరించారని, ఎమ్మెల్యేలు కూడా రాష్ట్రంలో ప్రభుత్వాన్ని పడగొడతామని బ్లాక్‌మెయిల్ చేయడం వల్లే తెలంగాణ ఆగిందని చెప్పారు. బెదిరింపులకు దిగి తెలంగాణను అడ్డుకున్న వారిని హైదరాబాద్‌లో తిరగనివ్వకుండా తరిమికొట్టాలని పిలుపునిచ్చారు. ఆయా నాయకుల ఆస్తులపై మార్చ్ నిర్వహించాలని, అప్పుడే వారు బెదిరింపులకు దిగకుండా తప్పుకొంటారని యాష్కీ స్పష్టం చేశారు. ఇకనైనా వారు పద్ధతి మార్చుకోకపోతే తెలంగాణలో ఉన్న వారి వ్యాపారాలపై ప్రత్యక్షదాడులు చేయాల్సి ఉంటుందని హెచ్చరించారు. తెలంగాణ మార్చ్‌కు మద్దతు తెలుపుతున్నామని, తెలంగాణ ఇవ్వకపోతే పార్టీ నుంచి బయటికి వెళ్లి పోరాటం చేస్తానని ప్రకటించారు.