ITEMVIDEOS: స్కూలు వెలుపల జుట్టు పట్టుకుని కొట్టుకున్న విద్యార్థినిలు

Posted: 05/18/2022 07:16 PM IST

Bengaluru school girls fight on road beat each other with sticks pull hair

అన్ని రాష్ట్రాల మాదిరిగా కర్ణాటక అప్పుడప్పుడు కాకుండా నిత్యం వార్తల్లో ఉంటోంది. ఆ మధ్య ఆంజనేయుడు పుట్టిన పుణ్యభూమి విషయమై వివాదం రేగగా, ఉత్తర భారతానికి చెందిన కోందరు నేతలు ఆయన దళితుడని చౌకబారు వ్యాఖ్యలు చేశారు. ఇక అప్పటి నుంచి ఏదో ఒక అంశంలో కర్ణాటక వార్తల్లో నిలుస్తోంది. ఆ తరువాద ముఖ్యమంత్రి మార్పు, ఆ వెంటనే ఆయన వైరాగ్య వ్యాఖ్యలు, హిజబ్ వివాదం, మసీదులపై మైకులు తీసివేయాలని, ఆ తరువాత ముఖ్యమంత్రి పదవికి కోసం రూ.2500 కోట్లు అడుగుతున్న బీజేపి అంటూ.. ఇలా అనేక వివాదాస్పద అంశాలతో ఆ రాష్ట్రం వార్తల్లో నిలుస్తోంది.

ఇక తాజాగా విద్యార్థులు నడిరోడ్డుపై కోట్టుకోవడం వైరల్ గా మారింది. అయితే విద్యార్థులు అంటే మగపిల్లలు కాదు.. ఏకంగా ఆడపిల్లలు నడిరోడ్డుపై కొట్టుకున్నారు. అలా ఇలా కాదు.. భిగ్గరగా అరుస్తూ.. జుట్టుపట్టుకుని లాగి పడేస్తూ.. కిందకు నెట్టేస్తూ.. రక్కేస్తూ.. చివరకు కర్రలను చేతబట్టి కూడా కొట్టేసుకున్నారు. ఓ పాఠశాలకు చెందిన విధ్యార్థినులు ఇలా కోట్టుకోవడం చూసిన స్థానికులు వెంటనే తమ సెల్ ఫోన్లకు పనిచెప్పారు. అవికాస్తా నెట్టింట్లో పోస్టు చేయడంతో వైరల్ గా మారాయి. అయితే విద్యార్థినిలు కొట్టుకోవడానికి గల అసలు కారణం మాత్రం తెలియరాలేదు. కాగా, ఓ విషయంపై రెండు వర్గాల విద్యార్థుల మధ్య వాగ్వాదం చోటుచేసుకోగా.. కొద్ది సేపటికే ఈ చర్చ గొడవకు దారి తీసిందని సమాచారం.

దీంతో ఓ వర్గానికి చెందిన బాలికల గుంపు మరొక వర్గంవారిపై దాడికి పాల్పడ్డారు. ఇరువర్గాల అమ్మాయిలు ఒకరినొకరు జుట్టు పట్టుకొని లాక్కున్నారు. గట్టిగా కేకలు వేస్తూ, కర్రలతో దాడిచేస్తూ, తన్నుకున్నారు. ఈ ఘర్షణను చూసిన ఇతర పాఠశాలకు చెందిన కొంతమంది విద్యార్థులు కల్పించుకుని వారిని అడ్డుకుని శాంతింపజేశారు. గొడవ పడుతున్న బాలికలందరూ స్కూల్‌ యూనిఫాం ధరించి ఉన్నారు. వీరంతా బెంగుళూరులోని బిషప్ కాటన్ గర్ల్స్ కాలేజీకి చెందిన విద్యార్థులుగా తేలిసింది. ఈ సంఘటన ఎప్పుడు జరిగిందో కూడా తెలియరాలేదు. ఈ దృశ్యాలను అక్కడే ఉన్న కొంతమంది తన ఫోన్‌లలో రికార్డ్‌ చేశారు. దీంతో నెట్టింట్లో ఈ వీడియో మాత్రం తెగ హల్‌చల్‌ చేస్తోంది.