మృత్యుంజయుడు: రైలుపట్టాలపై పడిగానే... రైలు దూసుకువచ్చింది..

Posted: 02/26/2022 07:45 PM IST

వీడు మృత్యుంజయుడు అని ఎవరైనా ఎవరినైనా అన్నారంటే అతడు మరణాన్ని కూడా జయించినవాడని అర్థం. సాధారణంగా ఈ పదం వినబడదు. అయితే అత్యంత అరుదైన ఘటనల్లో మరణం అంచుల వరకు వెళ్లి తిరిగి వచ్చినవారినే మృత్యుంజయులు అని పిలుస్తుంటారు. అలాంటి అరుదైన ఘటనను ఎదుర్కోన్న ఈ వ్యక్తిని బిహార్ రాష్ట్రంలోని పాట్నా సమీపంలోగల ఫటుహా రైల్వే జంక్షన్ లోని ప్రయాణికులు మృత్యుంజయుడు అని అంటున్నారు. అతడికి మరణం రైలు రూపంలో కబళించేందుకు వచ్చినా.. తాను మృత్యువును అత్యంత చాకచక్యంగా, సమయస్పూర్తితో ఎదుర్కోని జయించడమే కారణం.

ఇంతకీ ఎం జరిగిందన్న వివరాల్లోకి వెళ్తే.. రైలు కోసం అందరు ప్రయాణికుల మాదిరిగానే అతను నిల్చున్నాడు. అనుకోకుండా సరిగ్గా రైలు వస్తున్న సమయంలో కాలుజారడంతో అదుపుతప్పి పట్టాలపై పడిపోయాడు. మరోవైపు ఈ లోగా రైలు దూసుకువచ్చింది. దీంతో పట్టాల మధ్యలో కదలకుండా అలాగే ఉండిపోయాడు. రైలు వెళ్లిపోగానే లేచి ప్లాట్​ఫామ్​పైకి పరుగులు పెట్టాడు. ఈ దృశ్యాన్ని చూసిన ప్రయాణికులు భయంతో వణికిపోయారు. అయితే మృత్యుశకటం దూసుకువచ్చినా.. వ్యక్తి చాకచక్యంగా తప్పించుకోవడంతో అంతా ఊపిరిపీల్చుకున్నారు.